Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Alizoti: Parlamenti neglizhoi procedurat për Ahmetajn

Politiko 13 Korrik 2023, 17:25

Alizoti: Parlamenti neglizhoi procedurat për Ahmetajn

Deputeti i PD-së Tomor Alizoti  komentoi tensionet e krijuara sot në Parlament mes mazhorancës dhe opozitës për çështjen ‘Ahmetaj’.  

I ftuar në Syri tv, Alizoti e ka quajtur ish-zv.kryeministrin Arben Ahmetaj një pirat që ka kryer një tradhti të lartë kombëtare duke i vjedhur gjysmë miliard dollarë buxhetit të shtetit dhe sot është larguar nga Shqipëria.

Sipas Alizotit, një grup banditësh legalë janë kthyer në kartel dhe Parlamenti pra mazhoranca neglizhonte që t’i hapte rrugë procedurave për arrestimin e ish-zv.kryeministrit.

Alizoti: E kuptoni ju që ka ikur, ka lënë shtetin numri 2 i qeverisë shqiptare? Po e ka lënë me 430 milionë euro nga pas. Çfarë temperature e nxehtë këtu sot duhet të kishte një reaksion bërthamor me këtë lloj pafytyrësie, me këtë lloj grabitje me këtë lloj piraterie.

Këtu po bëhet debat për një çështje piratësh. Një pirat që është numri 2 i Shqipërisë, ish-zv.kryemisnitri i Shqipërisë, Ministri i Financave, pra ai që mban paret dhe buxhetin e gjithë shqiptarëve, të një populli shumë të varfër. E një populli që 500 mijë i ka në Greqi, qindramijë i ka në Itali, një pjesë që është këtu do të ikë prap jashtë, një pjesë që jeton në Angli, dhe gjysëm miliard dollari në buxhetin e Shqipërisë, të popullit më të varfër i ka grabitur një grupim njerëzish që i’a kanë marrë buxhetit të shtetit dhe për mua shkon në tradhti të lartë kombëtare, këtë dëm shqiptarëve as pushtuesi nuk i’a ka bërë dhe kjo është një tragjedi shumë e madhe.

Dhe më e madhja është që ka ikur zv.kryeministri por edhe Parlamenti pra mazhoranca sot neglizhonte që të merrte një gjë shumë të thjeshtë që të thoshte se të paktën në të gjithë këto probleme që ka Shqipëria të thonin se ka një shtet sepse ndryshe sot zhbëhet shteti. Sepse në sytë i mi Shqipëria është një kartel jo një shtet. Kryeministri është në rrezet e diellit për të marrë vitaminën D, zv.kryeministri ka marrë vitaminën e parave me vete dhe mazhoranca refuzon të fusë në rend dite, një krizë shumë të madhe politike, financiare dhe  shtetërore.

Shteti ka disa elemente themelorë, është moral etikë dhe forcë. Sot i ka ngelur vetëm dhuna. Pra nga grup banditësh legalë janë kthyer në kartel. Pse Parlamenti duhet ta vononte rendin e ditës, ka hetim ndaj zotërisë, Parlamenti vendos rendin e ditës kalon, procedura dhe kjo gjë bëhet.

 

 

Të fundit