Flash News

Ditari i Opozitës

Apeli i Yuri Kim, Shehi: Më mirë një drejtësi me disa influenca të huaja se puro shqiptare

Apeli i Yuri Kim, Shehi: Më mirë një drejtësi me disa

Deputeti dhe kreu i LZHK, Dashamir Shehi thotë se apeli i ambasadores amerikane, Yuri Kim për vigjilencë lidhur me zgjedhjen e kreut të ri të SPAK i drejtohet politikës, jo prokurorëve.

I ftuar në emisionin ‘Now’, në Euronews Albania, Shehi u shpreh se sinjali i Kim vjen pasi SHBA-të e kanë kuptuar që drejtësia në Shqipëri nuk është shkëputur ende plotësisht nga politika.

 “Opozita nuk ka asgjë në dorë, opozita ka hezituar disa herë për reformën në drejtësi. Duhet të ishim treguar më aktivë, jemi tërhequr edhe nga komisionet. Kemi bërë një hap prapa dhe këtë e ka shfrytëzuar Edi Rama duke ndikuar politikisht.

Ata gjykatësit nuk vijnë nga Hëna dhe Marsi, këtu janë më vjedhjet e tyre. Ambasadorja e ka kuptuar që është tepruar politikisht dhe lëshon ndonjë sinjal, dhe për mua bën mirë. Më mirë një drejtësi me disa influenca të huaja se puro shqiptare, të cilën e kemi provuar”, tha Shehi.

 

Të fundit