Apeli për SPAK, Basha: PD po nxit drejtësinë të bëjë detyrën, të thërrasin të dyshuarit kryesorë

Gjatë një bisede në Euronews Albania kreu i PD, Lulzim Basha tregoi se si kriza e pandemisë çoi tek afera mefioze e inceneratorëve. Sipas Bashës Partia Demokratike po nxit drejtësinë të bëjë detyrën, sepse nuk e ka bërë.

Ilva Tare: Sot i bëtë një pyetje publike kreut të SPAK, Arben Kraja dhe  ne e pyetëm si Euronews Albania dhe na tha se Prokuroria e Posaçme i ka të regjistruara të gjitha çështjet  që keni ngritur por nuk mund të bëjë publike proceset hetimore. Përse ushtroni këtë presion të përditshëm ndaj organeve të reja të drejtësisë si SPAK që ju e keni përshëndetur kur është ngritur kur ata nuk mund të përgjigjen publikisht?

Lulzim Basha:  Natyrisht që mund dhe duhet të përgjigjen.  Është detyrë e cdo institucioni  të bëjë transparencën para shqiptarëve, edhe më shumë kur bëhet fjalë për  diçka që sot rëndon shëndetin dhe  jetën e shqiptarëve. Sepse nuk kemi ardhur rastësisht tek incerneratorët.

Nuk është se na u tek të fillonim ne të merreshim me aferën e incerneratorëve. Për më shumë se tre javë, që para se të niste ajo që duket që është një shpërthim i dytë i pandemisë, unë, Partia Demokratike I kemi kërkuar  qeverisë të marë masa. Kemi nxjerre një plan me pesë pika. Ky plan natyrisht kushton lekë dhe ne kemi treguar se ku t’i marrin këto lekë.

Gjatë kohës që ne  i kërkojmë qeverisë dhe  ajo bën veshin e shurdhët dhe numrat e të infektuarve rriten, numri i mjekëve që largohen në Gjermani rriten,  numri i shtretërve  të gatshëm për të plotësuar nevojat për pacientët ulet, numri i personave që humbin vendin  e punës rritet, numri i bizneseve që falimentojnë rritet. Numri I bizneseve që falimentojnë rritet, cfarë shohim, shohim thesarin e shteti që javë për javë ka pagesa për koncesione korruptive ku bie në sy pagesa për të ashtuquajturit inceneratorët apo djegës të plehrave dhe kjo na ka sjellë në mënyrë të natyrshme te denoncimi I kësaj afere edhe para dy ditësh ndërkohë që përfaqësuesit tanë conin kallëzimin për inceneratorin e Elbasanit këta paguan 300 milionë lekë inceneratorit të Elbasanit. Mendoni se sa mjekë mund të ishin mbajtur këtu në Shqipëri për ti shërbyer pacientëve shqiptarë e të mos ishin larguar sic po largohen në mënyrë të frikshme drejt Gjermanisë.

Ilva Tare: Ky është deduksion pastaj se sa mjekë mund të qëndronin nga këto kërkesa.

Lulzim Basha: Jo unë I kam me shifra mund të shikoni testet.

Ilva Tare: Do kthehemi edhe te Covidi. Dua të kthehemi te pretendimin që ju keni për kontratat e inceneratorëve

Lulzim Basha:Përpara se të kalojmë tek ajo se si kemi hyrë te kontratat, ky është një ilustrim se sa teste për banorë bëhen në rajon edhe ne vende të zhvilluara, shikoni ku është Shqipëria, një test për 26 banorë. Shikoni ku është Serbia për 7, 12 Bosnja, 9 Maqedonia e Veriut, 8 Mali I Zi, këtu jemi ne. Pse? Sepse Shqipëria nuk bën mjaftueshëm testime.

Ilva Tare: Kjo tregon që s’ka para

Lulzim Basha: Kjo tregon që në vend që të bëhen testime, gjurmime dhe të ndërpritet zinxhiri I infeksionit, qeveria harxhon lekët për inceneratorët, dhe kjo nuk është thjesht kriminale, ky është një veprim mafioz I cili qeverinë që duhet ti gjendej njerëzve pranë në ditët më të vështira e ka kthyer në një instrument të mbushjes së xhepave të një grushti njerëzish.

Faktet për to ne I kemi bërë publike. Është koha që drejtësia të veprojë. Ne I kemi dëgjuar institucionet e drejtësisë të bëjnë konferenca për shtyp, të njoftojnë se në çfarë stadi janë hetimet, të thërrasin të dyshuarit kryesorë. Po I përgjigjem asaj që thatë ju. Ka dhënë ndonjë informacion SPAK-u, qoftë edhe sot pas pyetjes tuaj, se sa prokurorë janë caktuar në këtë çështje shumë komplekse? Sa prokurorë janë caktuar? Sa policë gjyqësorë?

Ilva Tare: Është e regjistruar si çështje

Lulzim Basha: Është e regjistruar si çështje

Ilva Tare: Dhe nuk mund të bëhej publike për çështje hetimore

Lulzim Basha: Mund të bëj publike angazhimin e burimeve njerëzore në këtë çështje. Ku ka çështje me interes publikë, prokuroria gjithmonë ka bërë transparencë pa dëmtuar hetimet, ndërsa sot duke qenë se dhe ne kemi informacionet tona, pavarësisht kësaj përpjekje për të thënë që ne kemi regjistruar hetimin që më shqetëson sepse është një përpjekje për ti ikur përgjegjësisë, sot që flasim sipas informacioneve tona, ka vetëm një prokuror I ngarkuar me tre afera që I kushtojnë shqiptarëve 75 milion euro dhe vazhdojnë ti kushtojnë javë për javë dhe nuk ka asnjë veprim real hetimorë. Ky është shqetësimi ynë, sepse SPAK-u u ndërtua, u aprovua edhe me votat tona, jo për të mbrojtur por për të ndëshkuar politikanët e korruptuar dhe krimin e organizuar dhe në këtë aferë sikundër në të gjitha aferat.