Flash News
Konstituimi i grupit të dialogut PD-PS, Bylykbashi: Prioritet është Reforma Zgjedhore
Konstituohet grupi i dialogut mes opozitës dhe mazhorancës për ‘Reformat’
Tragjikomedia e AADF me Butrintin: Një i panjohur do të drejtojë bordin shkencor të fondacionit
Lejuan 37 ndërtime të paligjshme, dënohen dy kryeinspektorë dhe inspektorë të IMT në Bashkinë e Lushnjes
Posta e mëngjesit/ Me 2 rreshta: Çfarë pati rëndësi dje në Shqipëri
Aplikacioni “Akt1vist”, PD depoziton kallëzim në SPAK
Deputeti i PD-së, Oerd Bylykbashi dhe Sekretari për Çështjet Zgjedhore, Ivi Kaso, kanë depozituar në SPAK një kallëzim për aplikacionin “Akt1visti” të socialistëve.
Bylykbashi tha për mediat se SPAK duhet të veprojë me forcë dhe jo të ndërmarrë procedura burokratike. Deputeti u shpreh se aplikacioni dhunon haptazi të drejtat dhe manipulon vullnetin e lirë të votuesve.
“Erdhëm në SPAK për ta dorëzuar, për fat të keq SPAK nuk e mori në dorëzim. Kanë vendosur procedura burokratike. Ne do ta çojmë përpara këtë kallëzim. Është cenuar sekreti dhe liria e votës. Përdorimi i këtij aplikacioni kriminal është shumë më keq se patronazhistët. Ne i kemi dorëzuar provat që kemi në dispozicion. Është barra e prokurorisë të hetojë më thellë dhe të vërë para përgjegjësisë penale jo vetëm ata që kemi kallëzuar por dhe të gjithë personat e tjerë të përfshirë. E tërë administrata është në një presion maksimal për të ndikuar në votë”, tha Bylykbashi.
Me kallëzimin e depozituar në SPAK, PD kërkon: “Regjistrimin dhe procedimin penal ndaj kryeministrit Edi Rama, anëtarëve të Këshillit të Ministrave, Drejtuesve të insitucioneve qendrore dhe vendore, Kryetarëve të Bashkive, si dhe personave të tjerë të identifikuar apo jo, të përfshirë në skandalin e aplikacionit “Akt1vist, si dhe kryerjen e të gjitha veprimeve hetimore të nevojshme në marrjen në pyetje e të gjithë personave të përmendur në kallëzim, për sqarimin më të saktë dhe më të plotë të rrethanave të parashtruara më sipër”.