Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Argumentet e Berishës se përse fjalimi i Ramës në KiE dëmtoi Kosovën

Politiko 14 Tetor 2022, 13:14

Argumentet e Berishës se përse fjalimi i Ramës në KiE

Kryetari i PD-së, Sali Berisha shprehet bindshëm se fjalimi i kryeministrit Edi Rama në Asamblenë e Këshillit të Europës e dëmtoi pozicionin e Kosovës.

Rama ashpërsoi gjuhën gjatë takimit të KiE, ku u kërkonte llogari ndërkombëtarëve, ndërsa vetë ai, është kritikuar për raportet e “ftohta” me Prishtinën zyrtare.

Në një konferencë për mediat Berisha tha se Rama nuk loboi pozitivisht për Kosovën, sikurse pretendon ky i fundit. Kryedemokrati renditi disa argumenta se pse mendon se fjalimi i Ramës ishte anti-shqiptar dhe në dëm të Kosovës:

- Ai shkoi aty dhe shpalosi tezën serbe antishqiptare të kombit Kosovar. Enver Hoxha vërtet e la Kosovën nën pushtimin serb dhe jugosllav, por nuk foli ndonjëherë për kombin kosovar. Me këtë tezë, Edi Rama jo vetëm miratoi ndarjen në dysh të kombit shqiptar, por indirekt edhe zhdukjen e kombit, pasi ai është kosovar.

- Ai futi thikën pas shpine Kosovës, pasi dështoi me turp me tezën e luftës civile në Kosovë të elaboruar për 2 vite me rradhë me propagandën e Rilindjes. Barbaritë serbe ndaj shqiptarëve të Kosovës të bazuara në racizmin e pushtuesve serbë në Strasburg i vlerësoi thjesht si një konflikt humanitar, ndërkohë që ai ishte një gjenocid me bazë racizmin e serbëve ndaj shqiptarëve.

- Edi Rama në Strasburg i futi thikën Kosovën në momentin më të papërshtatshëm për Kosovën, pikërisht kur ajo kishte nevojë për lobim pozitiv për anëtarësim në Këshillin e Europës, ai në sallën e këtij tempulli, lëshoi lumë sharjesh e akuzash të padëgjuara në atë sallë në gjithë ekzistencën e atij institucioni.

- Edi Rama i futi thikë pas shpine Kosovës, sepse me retorikën e tij ai mbuloi si vasali i Vuçiçit Beogradin. Mbrojti dhe mbuloi Beogradin, prokurorin e krimeve të luftës për Serbinë, Vladimir Vuçeviç, si burimin absolut kryesor të të gjitha trillimeve monstruoze të raportit të Dick Marty dhe kjo është publikisht e njohur.

- Edi Rama i futi thikë pas shpine Kosovës, pasi zgjodhi si mbrojtje për udhëheqjen e Kosovës në Hagë, mjetin më të dëmshëm, presionin e hapur politik ndaj gjykatës. Reagimi i Edi Ramës zgjoi neveri dhe dënim në komunitetin ndërkombëtar, përfshi edhe te personaliteve që kanë lobuar për të liruar udhëheqjen politike të Kosovës.

Fjalimi i Ramës u injorua më herët nga homologu i tij në Kosovë, Albin Kurti. I pyetur për një koment, ai tha se nuk e kishte ndjekur Ramën në Asamblenë e Këshillit të Europës.