Arrestimi i Veliajt, Blushi: Nuk mund të zhvendoset vëmendja me fustane e bizhuteri

Sekretari i Përgjithshëm i Partisë së Lirisë, Tedi Blushi, ka reaguar për arrestimin e Erion Veliajt, duke thënë se “është koha për ndëshkim real”.

Përmes një postimi në Facebook, ai shprehet se “nuk mund të mashtrohet qytetari duke zhvendosur vëmendjen me fustane, këpucë dhe bizhuteri, ndërsa vjedhja dhe krimi institucional mbeten të pandëshkuara”.

Postimi i Tedi Blushit:

Sot, Tirana feston 105-vjetorin si kryeqytet i Lirë nga uzurpatori dhe armiku i saj më i egër. Por çlirimi nuk mjafton! Krimet e rënda nuk mund të harrohen, dhe drejtësia nuk mund të jetë selektive!

Erion Veliaj duhet të hetohet dhe ndëshkohet për:

Vrasjen e Ardit Gjoklajt dhe mbulimin e përgjegjësisë

Aferën korruptive kriminale të inceneratorit që nuk ekziston.

Organizatën kriminale 5D që zhvati taksat e qytetarëve

Betonizimin e Tiranës me kullat e drogës dhe shkatërrimin e çdo hapësire të gjelbërt.

Barbarinë ndaj trashëgimisë historike dhe kulturore, shembjen e Teatrit Kombëtar.

Nuk mund të ketë amnisti për hajdutin, delinkuentin dhe shkatërruesin më të madh në historinë e Tiranës!

Nuk mund të mashtrohet qytetari duke zhvendosur vëmendjen me fustane, këpucë dhe bizhuteri, ndërsa vjedhja dhe krimi institucional mbeten të pandëshkuara.

Drejtësia e vërtetë nuk mund të jetë një farsë e regjizuar! Amnistimi i një grabitësi të pasurisë publike është turp dhe bashkëfajësi!

Boll më! Është koha për ndëshkim real!