Flash News

Dyshohet se është vrarë, del foto e 23-vjeçarit që u gjet i vdekur në liqenin e Shkopetit

Aksioni në Theth, banori mes lotësh: Kam ndërtuar në tokën time me shpenzimet e jetës, shteti të mos i prishë

Drejtorët në shënjestër! Pas Fierit dhe Durrësit, Rama mbërrin në Elbasan

Emri/ Identifikohet 23-vjeçari që u gjet i pajetë pranë liqenit të Shkopetit

Aksioni i IKM-së në Theth, banorët dalin në protestë

Ditari i Opozitës

"Arsimi është braktisur financiarisht", Bylykbashi: Janë 250 mijë nxënës e studentë me pak në 10 vite

Politiko 12 Shkurt 2024, 11:57

"Arsimi është braktisur financiarisht", Bylykbashi:

Nënkryetari i Partisë Demokratike, Oerd Bylykbashi deklaroi në konferencën e Departamentit të Arsimit dhe Shkencës në PD, se cilësia e arsimit në këto vitet e fundit ka kontribuar te shpopullimi.

Nga selia blu, Bylykbashi u shpreh se qeveria akordoi buxhet shumë herë më të ulët për arsimin, duke e braktisur financiarisht. Sot, theksoi Bylykbashi, ka 250 mijë nxënës dhe studentë më pak në këtë 10-vjeçar.

“Ajo që është arsimi sot, është Shqipëria në tre dekadat e ardhshme. Dhe gjendja skandaloze e arsimit sot tregon se kush është e ardhmja e shqiptarëve në dekadat që do vijnë. Arsimi sot në Shqipëri është braktisur financiarisht. Nëse në qeverisjen e PD, buxheti ishte 3.4 përqind, sot është- përveç premtimit të gënjeshtërt të qeverisë së Edi Ramës që do ta çonte në 5 përqind- është vetëm 2.3 përqind.

Pra as gjysma e asaj që ishte premtuar dhe mjaft më e ulët se në qeverisjen e PD.

Sigurisht kjo është shoqëruar me braktisje në aspektin infrastrukturor, janë më shumë se 600 shkolla të mbyllura në Shqipëri. Kjo bashkë me dështimin e një reforme territoriale administrative që ka ndikuar në uljen e interesit të qeverisë vendore dhe qendrore për të investuar në shkolla. Shkollat po mbyllen, komunitetet po braktisen.

Një aspekt fare i qartë për atë impakt shkatërrimtar që politikat arsimore që kanë pasur politikat arsimore të qeverisë Rama, vjen nga PISA, që tregon se arsimi shqiptar ka rënien më të lartë se të gjitha vendet e tjera.

Në këtë 10-vjecar, janë 110 mijë nxënës të detyrueshëm 9-vjeçar më pak. Janë 60 mijë nxënës të arsimit të mesëm më pak. Janë më shumë se 60 mijë studentë më pak, sigurisht pa llogaritur edhe ata të sistemit parashkollor. Pra është një shifër që shkon prej rreth 250 mijë nxënësish dhe studentësh në të gjithë nivelet më pak në këtë 10-vjeçar”, tha Bylykbashi.

Të fundit