Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Baçi për protestën: U godita me grusht, nuk kryem vepër penale

Politiko 24 Dhjetor 2024, 14:26

Baçi për protestën: U godita me grusht, nuk kryem vepër

Deputeti demokrat Luan Baçi ka komentuar protestën e opozitës dhe sjelljen e policisë me deputetët e Partisë Demokratike dhe protestuesit.

I ftuar në A2 CNN, Baçi u shpreh se është goditur me grusht nga efektivët e policisë.

“U godita me grusht, por nuk isha vetëm unë, u goditën edhe shumë të tjerë. Policia është në shkelje të ligjit në mënyrë të dukshme”, tha ai.

Baçi akuzoi policinë se po shkel ligjin, ndërsa theksoi se opozita është në të drejtën e saj kushtetuese për të protestuar.

“Mënyra e thirrjes me megafon – “Lironi rrugën” – është e gabuar. Ne kemi detyrimin për të bërë njoftim te policia, për vendin dhe orën dhe policia ka detyrimin ligjor që të sigurojë një protestë të qetë. Policia bën krejt të kundërtën duke bllokuar vet rrugën pa ardhur qytetarët dhe në mënyrë të parapërgatitur intimidojnë me magafon qytetarët.

Policët na kanë shtyrë dhe filluan më pas me shkelma e grushte poshtë skafandrës për të mos u dukur.

Ne nuk kemi bllokuar rrugë, nuk është vepër penale.  Ne na e jep ligji këtë, na e jep Kushtetuta. Është e ligjshme kjo që ne bëjmë dhe është e jashtëligjshme kjo që bëjnë policët për të shpërndarë protestuesit”, tha Baçi.

Të fundit