Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Balliu: Erion Veliaj meriton arrest, vetëm një emision mjafton për të provuar korrupsionin

Politiko 10 Janar 2025, 17:18

Balliu: Erion Veliaj meriton arrest, vetëm një emision mjafton
Shefi i Organizimit në Partinë Demokratike, Klevis Balliu, deklaroi se kryebashkiaku i Tiranës, Erion Veliaj, duhet të vendoset nën masë arresti për të mos ndërhyrë në procesin hetimor ndaj tij.

Në një intervistë për Syri Tv, Balliu theksoi se “60% e qytetarëve të dënuar sot janë nën masa arresti,” ndërsa për Veliajn ende nuk është marrë asnjë masë, pavarësisht akuzave për korrupsion.

“Veliaj ka marrë paratë e qytetarëve për t’ia dhënë bashkëshortes së tij, njësoj si Rama, Balluku apo Olsi Rama. SPAK nuk ka ndërmarrë asnjë veprim kundër tyre, edhe pse faktet janë të qarta,” u shpreh Balliu.

Ai shtoi se emisioni investigativ “Plug” në Syri Tv ka zbuluar prova të mjaftueshme që mund të justifikonin një urdhër-arresti ndaj Veliajt.

“Prokuroria vendos masa arresti kur ka frikë për ndërhyrje në hetime. Veliaj plotëson të gjitha kushtet për t’u vënë nën masë sigurie. Ka afera pafund dhe vazhdon të abuzojë me paratë e qytetarëve,” deklaroi Balliu.

Shefi i organizimit në PD theksoi gjithashtu se sistemi aktual i drejtësisë po përdoret si një armë politike nga mazhoranca për të sulmuar opozitën, ndërsa zyrtarët e korruptuar të qeverisë mbeten të paprekur.

“Në vend që të ndëshkohen ata që abuzojnë, Rama, Veliaj dhe njerëzit e tij, sulmohen opozitarët si Berisha dhe Meta. Ndërkohë, inceneratorët dhe afera të tjera korruptive vazhdojnë pa asnjë ndëshkim,” tha ai.

Në përfundim, Balliu nënvizoi se Partia Demokratike është i vetmi institucion që mund të zgjidhë problemet e qytetarëve dhe të sjellë drejtësi të vërtetë. “Loja e pushtetit me SPAK është një film i parë. Vetëm opozita mund të garantojë ndryshimin,” përfundoi ai.

Të fundit