Flash News

Kandidati i PS para në këmbim të votave? Policia procedon personin që e denoncoi me video

Prokuroria kërkon tre burgime të përjetshëm për Dan Hutrën

Dy ditë para zgjedhjeve, qeveria fal të gjitha gjobat e vendosura nga Janari 2015 deri në Nëntor 2024

“Giro d’Italia 2025” nesër në Vlorë/ Policia shpall masat e qarkullimit dhe parkimit për qytetarët

Gjendet pas 6 ditësh trupi i pajetë i 29-vjeçarit në Klos

Ditari i Opozitës

Balliu: Në Pogradec u mor një shtet i tërë për të fshehur vrasjen e nipit të kryetarit të PS

Politiko 15 Gusht 2024, 12:38

Balliu: Në Pogradec u mor një shtet i tërë për të

Sekretari Organizativ i PD, Klevis Balliu nga protesta para bashkisë së Tiranës u shpreh se për të fshehur vrasjen e ndodhur të shtunën në Pogradec u mblodh një shtet i tërë siç bënë me vrasjen e Ardit Gjoklajt.

Balliu tha para qytetarëve i ka kërkuar SPAK-ut të hetojë se ku shkojnë paratë e bashkisë së Tiranës, por Dumani pretendon se nuk ka shkelje pavarësisht se paratë dihet që i fut në xhep Veliaj.

"Provat dhe faktet për Erion Veliajn dhe Edi Ramën janë një mal i tërë, po këta nuk i prekin... Taksën e infrastrukturës arsimore! Jemi i vetmi qytet në botë që e kemi, ndërkohë që taksën për shkollën asnjë shqiptar nuk ka pse ta paguajë, sepse e garanton Kushtetuta!

Dhe çfarë bënë me këtë? Po ju jap rastin e Astirit. Atë faturë, atë taksë, ne e paguajmë te uji dhe tek dritat. Shikojeni mirë të nderuar miq. Te uji dhe te dritat keni taksën e infrastrukturës arsimore. E paguajmë në shtëpi, kush ka një lokal, një biznes, e paguajnë dhe pensionistët! I vetmi rast në botë ku taksohen pensionistët! Po ku shkojnë këto para?! Astiri është pa shkollë. 70 mijë banorë e paguajnë atë taksë, po Njësia 7 është pa gjimnaz!

Ku shkojnë këto para?! Në xhepin e Erion Veliajt!

I kam kërkuar SPAK-ut, i kam kërkuar Altin Dumanit, se ku shkojnë paratë. Dhe çfarë bën? Për katër ditë paska hetuar Dumani dhe kthen përgjigje: Nuk ka shkelje!!! Si nuk paska shkelje mor zotëri kur paguhet taksë për të ndërtuar shkolla dhe nuk ndërtohet asnjë kopsht, asnjë shkollë, asnjë çerdhe?!

Prandaj në një kohë të tillë, kur drejtësia nuk funksionon, ka vetëm një subjekt, një institucion që mund të kthejë normalitetin dhe ai është sovrani, populli!

Nëse nuk ka drejtësi, na takon neve si qytetarë, jo vetëm si demokratë, por si qytetarë të majtë dhe të djathtë.

Shikoni se ç’ndodh në Pogradec: e vranë në Pogradec dhe u mor një shtet i tërë për të fshehur vrasjen sepse ai ishte nipi i ish-kryetarit të PS për fshatrat, i Valter Goros! U mor një shtet i tërë për të fshehur një krim, një vrasje! Po a nuk është e njëjta gjë që ka ndodhur me Ardit Gjoklajn?! A nuk u mor një shtet i tër? Çfarë po presim?!", tha Balliu.

Të fundit