Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Balliu për protestat: Nëse s’do ishin efektivët, hajdutët do nxirreshin nga institucionet

Politiko 8 Qershor 2024, 17:57

Balliu për protestat: Nëse s’do ishin efektivët,

Koordinatori për Tiranën në PD, Klevis Balliu, ka komentuar zhvillimet e fundit në kampin e opozitës, duke u ndalur edhe te protestat e vazhdueshme.

Sa i përket tubimit të fundit që ndodhi para Parlamentit, Balliu i ftuar në studion e emisionit “Kjo Javë” në News24 u shpreh se disa prej protestuesve u thirrën në komisariatin e policisë pas veprimeve të tyre.

Megjithatë, ai shtoi se shprehja e pakënaqësisë ndaj qeverisë do të vijojë dhe se nëse nuk do të ishte për efektivët e policisë “hajdutët do të nxirreshin nga institucionet e shtetit”.

“Sot në Parlament kemi një qeveri e cila në tërësinë e vet, ka bërë inceneratorët dhe narkotrafikun. Qytetarët po përballen me një qeveri kriminale që është e lidhur me bandat. Kjo nuk është e lehtë për t’u bërë. Nëse nuk do kishim mbështetjen e qytetarëve pas sulmeve ndaj opozitës ne nuk do të ekzistonim, nuk do të ishim këtu.

Pjesëmarrja në atë orar, në atë vapë, dhe kohëzgjatja…fakti që njerëzit erdhën dhe qëndruan e rezistuan vërteton dhe fakton se aksesi i qeverisë për shpifje ndaj opozitës ka dështuar. Kjo falë edhe dokumentarit të RAI3 që hodhi dritë.

Një grup personash u thirrën nga komisariati, kreu i degës 13 ishte shoqëruar. U njoftuam që duhet të paraqiteshim. Më bëri përshtypje sa shpejt evidentohen njerëzit që shtyhen në protesta. Nuk kishte krim. Na u thanë formalitetet, për të na vënë në dijeni dhe kërkuan një deklaratë nga ne.

Ne kemi qenë dhe do të jemi sërish në protestë. Për sa kohë qeveria vijon kështu ne do bëjmë çmos për ta rrëzuar këtë qeveri. Ka raste që ka patronazhistë që provokojnë, jo efektivë.

Një prej tre sulmoi protestuesit me fikësen e zjarrit që është helmuese. Nëse provokohen do të merret përgjigja. Nëse nuk do ishin policët hajdutët do të nxirreshin nga institucionet e shtetit”, u shpreh ai.

Të fundit