Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Balliu: Si po i shndërron drejtësia e re qytetarët në viktima dhe mbyll sytë para tonelatave të d*ogës?

Politiko 28 Dhjetor 2024, 12:59

Balliu: Si po i shndërron drejtësia e re qytetarët në

Koordinatori Rajonal i PD për Tiranën, Klevis Balliu deklaroi nga selia blu se drejtësia në Shqipëri ka dështuar dhe këtë e vërtetë një cigare marijuane që iu kap të riut spanjoll në Tiranë.

Balliu, duke treguar rastin e të riut spanjoll, tha se drejtësia shqiptare mbyll sytë para tonelatave me drogë që trafikohen në kufij dhe nëpër porte.

“Një cigare marijuanë që iu kap një të riu spanjoll në një park të Tiranës, është prova më e qartë se drejtësia e re ka dështuar si për shqiptarët, si për këdo tjetër, dhe se gjuha e saj është ryshfeti dhe korrupsioni.

Nëse spanjolli ka zgjedhur arratisjen nëpër kufirin e Malit të Zi, për t’u kthyer në vendin e vet, shqiptarët nuk e kanë këtë mundësi sepse janë në vendin e tyre dhe u duhet ta durojnë padrejtësinë e kësaj drejtësie çdo ditë.

Prokurorët dhe gjyqtarët shqiptarë e kanë kthyer, atë që duhej të ishte një arrestim dy orësh, siç i tha policia, në një kalvar gjyqësor që e çoi të riun spanjoll 20 netë në burg dhe më pas, gati tre muaj në lirim të përkohshëm, në pritje të gjykimit.

Për ‘të përshpejtuar procedurat’, siç i tha avokati i tij kërkoheshin 3 mijë euro për t’ia dhënë prokurorit. Por ky shkëmbim, siç thekson gazeta ‘Cronaca Global’, që shkruan për rastin, nuk rezultoi i dobishëm. Edhe pse të gjitha ekspertizat ishin në favor të tij, duke qenë se cigarja e konsumuar ishte e llojit CBD, vetëm 3 gramë, dhe për konsumim vetjak, prokurori kërkoi shtyrjen me tre muaj për të vazhduar hetimet. Më saktë, për të rritur pazarin.

Në këto kushte, i riu vendosi të arratisej duke “u lënë targën” prokurorit dhe drejtësisë shqiptare, por cila është zgjidhja për mijëra të rinj shqiptarë që mbipopullojnë burgjet dhe qelitë e paraburgimit për shkelje të ngjashme minore?

Një drejtësi që është jotolerante për një cigare marijuana, dhe që mbyll sytë para tonelatave me drogëra të lehta dhe të rënda që trafikohen nëpër kufijtë dhe portet e Shqipërisë është kriminale.

Partia Demokratike, prej fillimit ka kërkuar një drejtësi të barabartë për të gjithë, jo një që mbron të fuqishmit dhe nëpërkëmb të pambrojturit”, deklaroi Balliu.

Të fundit