Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

"Barazia gjinore nuk është opsion", Andia Ulliri kërkon drejtësi në ndarjen e mandateve

Politiko 28 Korrik 2025, 19:32

"Barazia gjinore nuk është opsion", Andia Ulliri kërkon

Në seancën e fundit të mbajtur sot në Komisionin Qendror të Zgjedhjeve, ku u trajtua ndarja e mandateve në qarkun e Durrësit, kandidatja më e votuar grua e këtij qarku, Andia Ulliri ka  kundërshtuar idenë se sistemi zgjedhor aktual prodhon dy lista të veçanta.

Kjo pasi më datë 27 maj ajo depozitoi një kërkesë zyrtare që synon interpretimin e qartë ligjor të procesit të certifikimit të mandateve, duke vënë në dukje sipas saj një keqkuptim që ka cenuar përfaqësimin e drejtë të grave në Kuvend.

Sipas saj, kjo qasje bie ndesh edhe me vendimet e Gjykatës Kushtetuese. Ajo theksoi se ky keqinterpretim ka ekspozuar boshllëqe ligjore dhe e cilëson këtë angazhim si një betejë publike për përfaqësim të barabartë.

"Sot isha e pranishme në seancën për ndarjen e mandateve të qarkut Durrës, në Komisionin Qendror të Zgjedhjeve.
Në datë 27 Maj kam depozituar një kërkesë për një intepretim të saktë ligjor në lidhje me certifikimin dhe shpërndarjen e mandateve sipas parimit të barazisë gjinore.
Në seancën e sotme paraqitëm të gjitha sqarimet dhe argumentet ligjore mbi kërkesën e depozituar duke theksuar se bëhet fjalë për një listë unike dhe të vetme dhe se parimi i barazise gjinore është cënuar duke mos garantuar përfaqësim të drejtë.
Keqinterpretimi i cili pretendon se ky sistem prodhon dy lista është në kundërshtim me vetë ligjvënësin dhe përgjigjen e Gjykatës Kushtetuese!
Ky sistem zgjedhor tregoi qartë se çfarë nuk funksionon me “reformat” në vendin tonë — boshllëqe dhe përplasje ligjore, mungesë vizioni dhe garancish për një garë të drejtë, ku barazia gjinore nuk duhet të jetë thjesht një parim në letër, por një realitet i mbrojtur.
Si kandidatja më e votuar grua në këtë qark, e konsideroj këtë një betejë për përfaqësim të drejtë dhe real.
Mirënjohje nga zemra qytetarëve dhe miqve që më besuan votën në këto zgjedhje, kjo është beteja jonë dhe unë do ta ndjek deri në fund", shkruan Ulliri. 

 

Të fundit