Flash News

Kërcënohet me jetë Presidentja e Kosovës, Vjosa Osmani

Rekurs në Gjykatën e Lartë / Veliaj kërkon ndryshimin e masës "arrest me burg"

U diagnostikua me kancer, Biden thyen heshtjen

Dosja “Partizani”, GJKKO kalon për gjykim Berishën dhe Malltezin

Policia e Shkodrës asgjëson mbi 1,500 bimë narkotike

Ditari i Opozitës

Bardh Spahia me punëtorët ditorë drejt Malit të Zi: Më 11 maj ndëshkojmë qeverinë që gënjeu për 300 mijë vende pune

Politiko 19 Prill 2025, 20:07

Bardh Spahia me punëtorët ditorë drejt Malit të Zi: Më

Kandidati për deputet i opozitës, Bardh Spahia, ka reaguar ndaj pamjeve që tregojnë qytetarë shqiptarë duke marrë çdo mëngjes rrugën drejt Malit të Zi për të siguruar një punë që u garanton të ardhura për mbijetesë. Në një postim në rrjetet sociale, Spahia thekson se ky nuk është realiteti që meritojnë qytetarët shqiptarë.

“Nuk janë skena të njerëzve që ikin nga vendet e luftës, por janë bashkëqytetarët tanë, që ditën e nisin pa zbardhur ende,” shkruan ai. “Janë bashkëqytetarë të të gjitha moshave që kryejnë këtë ritual mes sforcove të mëdha, duke sakrifikuar nga vetja dhe familja, pasi shteti amë u ka vrarë shpresën, i ka zhytur në varfëri, papunësi dhe mjerim.”

Spahia akuzoi qeverinë se ka gënjyer për 300 mijë vende pune, ndërkohë që realiteti ka dëshmuar të kundërtën. Ai u bëri thirrje qytetarëve që të marrin pjesë në zgjedhjet e 11 majit për ta ndëshkuar këtë qeverisje që, sipas tij, është bërë "palë me të keqen".

“Ky nuk është realiteti që meritojmë, prandaj në 11 Maj duhet të bashkohemi të gjithë përmes forcës së votës, që ta rrëzojmë këtë qeveri të fasadës,” përfundon reagimin Spahia.

Të fundit