Flash News

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

“Reuters”: Rama kërkon mandatin e katërt në zgjedhjet e dominuara nga korrupsioni dhe bandat kriminale

Ditari i Opozitës

Bardhi: Banda elektorale e Ballukut do të nënshtrojë qytetarët me paratë e korrupsionit

Politiko 19 Mars 2025, 18:33

Bardhi: Banda elektorale e Ballukut do të nënshtrojë

Kreu i Grupit Parlamentar të Partisë Demokratike, Gazment Bardhi akuzon ekipin elektoral të zv.kryeministres Belinda Balluku se do të nënshtrojë qytetarët e Fierit me para korrupsioni.

Në rrjetet sociale, ai shkruan se Blendian Dalipaj,  një nga anëtarët e ekipit sipas tij, po vepron në prapaskenë për të organizuar krime zgjedhore.

 "Banda elektorale e Belinda Ballukut në qarkun e Fierit gënjen veten kur mendon se me paratë e korrupsionit do të nënshtrojë qytetarët e Fierit.

Bledian Dalipaj, një nga anëtarët më të zëshëm të bandës elektorale të PS në qarkun Fier, mund të fshihet përkohësisht pas numrit spanjoll për të dhënë porosi për krime elektorale, ndaj vartësve dhe punonjësve të administratës, por e garantoj se për Partinë Demokratike ai është Mr. 944, dhe rrugën e ka të shtruar për atje ku e ka çdo bandit.
Gjej rastin të apeloj edhe njeherë Prokurorinë e Posaçme që strategjinë e goditjes së krimeve elektorale të mos e lerë vetëm në letër.

Këto janë ditët që ndajnë nëse strategjia është bërë si mjet propagande për të shpërlarë korrupsionin zgjedhor të Edi Ramës, Belinda Ballukut dhe bandave të tyre elektorale, apo është vullnet real i prokurorëve të posaçëm për të parandaluar dhe goditur krimet zgjedhore. Fieri është 24 orë një skemë krimi elektoral!", shkruan Bardhi. 

Të fundit