Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Tërmet në Shqipëri, ja ku ishte epiqendra

Aksident në autostradën Levan-Tepelenë, dy persona të plagosur

Aksident në autostradën Durrës-Tiranë, makina përfundon poshtë kamionit

Inceneratori i Tiranës, GJKKO pranon kërkesën e Bllakos për gjykim të shkurtuar

Ditari i Opozitës

Bardhi: Do t'i hetojmë të 4 koncesionet në Shëndetësi

Politiko 1 Prill 2024, 22:24

Bardhi: Do t'i hetojmë të 4 koncesionet në

Kryetari i Grupit Parlamentar të Partisë Demokratike, Gazment Bardhi, në studion e “Debat” ka deklaruar se të katërta koncesionet do të hetohen nga Komisioni Parlamentar për Shëndetësinë.

Bardhi shpjegoi se, duke u nisur nga pretendimet e mazhorancës, opozita zgjodhi një strategji për t’i hetuar të katërta kontratat. Më konkretisht, për hetimin parlamentar u janë vënë në dispozicion gjashtë muaj.

“Nuk ka asnjë tërheqje, mazhoranca ka kërkuar që objekti i kërkesave të kontratave konçensionare në shëndetësi duhet të jetë konkret. Pra nuk mund të hetohen të katërta kontratat se i bie të hetohet i gjithë sistemi i shëndetësisë...Dhe kjo është strategjia jonë,” shtoi Bardhi.

Sa i përket betejave të tjerë të opozitës, tashmë që jeta parlamentare i është kthyer normalitet, Bardhi theksoi se mandati i ish-ministres Olta Xhaçka do të jetë po ashtu në fokus.

“Ai vendim i Kushtetueses duhet të zbatohet. Nëse kemi drejtësi të re, më e pakta që mund të bëjmë, është t’i zbatojmë vendimet e saj.”

Të mërkurën do të mblidhet Konferenca e Kryetarëve, dhe Gazment Bardhi u zotua që mandati i Xhaçkës do të jetë një në fokus të bisedimeve.

“Nëse kjo nuk ndodh në këto dy seanca, pasojat i ka ligji për Kushtetutën. Nikolla nuk lejohet ta ekzekutojë vendim. Pas saj fshihet vullneti i Ramës për të mbrojtur ish-ministren e tij,” shtoi kreu i Grupit të PD-së i cili paralajmëroi se do të ketë kallëzime penale për çdo zyrtar publik që mund të pengojë ekzekutimin e vendimit të Kushtetueses.

Të fundit