Flash News

Evazioni fiskal i ‘Bankers’, lihet në burg CEO kinez dhe ish-drejtori

Përplasen dy makina në aksin Sarandë-Delvinë, 4 të plagosur

Alarm për bombë, Policia largon deputetët dhe mediat nga ndërtesa e Kuvendit të Kosovës

“Vullneti i popullit” dhe ironia e dorëheqjeve të komanduar

Përfundon pa ndryshime rinumërimi i votave në Durrës

Ditari i Opozitës

Bardhi i drejtohet zyrtarisht Nikollës dhe njofton trupin diplomatik: Veprimtari antiligjore

Politiko 20 Nëntor 2023, 15:39

Bardhi i drejtohet zyrtarisht Nikollës dhe njofton trupin diplomatik:

Pas seancës së sotme, Kryetari i Grupit Parlamentar të PD i është drejtuar me një shkresë zyrtare Kryetares së Kuvendit, Lindita Nikollës, ndërsa ka vënë në dijeni edhe disa zyrtarë ndërkombëtarë.

Bardhi e ka krahasuar sjelljen e mazhorancës me ato të diktatorit të Koresë së Veriut, Kim Jong Un, ndërsa thotë se ky i fundit “do ta ishte zili atë që po ndodh në Kuvend”.

Prej muajsh Kuvendi i Shqipërisë nuk funksionon normalisht për shkak të protestës së opozitës për mohimin e të drejtave kushtetuese të saj, për ngritjen e Komisioneve Hetimore dhe për Reformën Zgjedhore.

“Përmes mohimit të të drejtës kushtetuese për kontroll parlamentar të Qeverisë, mosshqyrtimit të projektligjeve të deputetëve të opozitës, mohimit të të drejtës për të marrë përgjigje nga organet ekzekutive për çështje në interes të qytetarëve, apo mohimit të të drejtës për të caktuar ajo përfaqësuesit e vet në komisionet e posaçme parlamentare, praktikisht mazhoranca juaj po tenton të krijojë një Parlament njëpartiak, antidemokratik, autoritar dhe që dhunon hapur të drejtat e pakicës parlamentare” – shkruan Bardhi.

Bardhi i drejtohet zyrtarisht Nikollës dhe njofton trupin diplomatik:

Gazment Bardhi ka sjell në vëmendjen e Kryeparlamentares Nikolla se pengimi i deputetëve të opozitës që të futen në zyrat e tyre në Kryesinë e Kuvendit, apo prezenca brenda sallës së seancës plenare të rreth 60 punonjësve të Gardës së Republikës, është në shkelje të Rregullore së Kuvendit dhe e ka shndërruar Parlamentin në sallë të Gardës së Republikës, duke intimiduar deputetët e opozitës me forca sigurie.

Bardhi i drejtohet zyrtarisht Nikollës dhe njofton trupin diplomatik:

Në fund të letrës së tij Bardhi shkruan se “intimidimi me forca sigurie i deputetëve të opozitës, është një veprim që edhe Koreja e Veriut dhe vetë Kim Jong-un do ta kishte zili. Shqipëria si një vend anëtar i NATO-s dhe vend kandidat për në Bashkimin Europian, duhet të përafrohet me standartet e vendeve të BE-së dhe jo me standartet e diktatorit të Koresë së Veriut! Në çdo rast më lejoni që në emër të deputetëve të opozitës t’ju siguroj ju dhe udhëheqësin tuaj shpirtëror Edi Rama, që do të mbeteni përjetësisht dhe në tentativë vetëm një kopje e shëmtuar dhe në miniaturë e Kim Jong-ut.”.

Të fundit