Flash News

Fushatë brenda shkollës, Zegjineja e Roskovecit kallëzohet në KQZ

Dhunë ndaj një 14-vjeçari në Komisariat?/ Komiteti i Helsinkit ngre alarmin: U godit me grushta, policia nuk e çoi tek mjeku! Të hetohet

Gjendet celulari i Ilaria Sulës në banesën e ish të dashurit Filipinas

SPAK jep pretencën për 5D-në, kërkon burg edhe për Deborah Keçin dhe vartësit e tjerë të Veliajt

Arrestohet 23-vjeçari në ‘Don Bosko’, u kap me pistoletë gati për ta shitur

Ditari i Opozitës

Bardhi kallëzim penal në SPAK për Majlinda Bufin: Shpërndarja e lejeve të legalizimit shkel Kodin Zgjedhor

Politiko 21 Mars 2025, 19:22

Bardhi kallëzim penal në SPAK për Majlinda Bufin:

Deputeti i PD-së Gazment Bardhi, ka njoftuar se do të paraqesë një kallëzim penal ndaj kryebashkiakes së Roskovecit, Majlinda Bufi, për shpërndarjen e lejeve të legalizimit dhe certifikatave të pronësisë, duke e cilësuar këtë veprim si një shkelje flagrante të Kodit Zgjedhor dhe Kodit Penal.

Bardhi akuzon Bufin për manipulim të vullnetit të qytetarëve të Roskovecit dhe Strumit për zgjedhjet e 11 majit.

Ai theksoi se ky veprim është pjesë e një bande elektorale që, sipas tij, është e mbështetur nga pandëshkueshmëria dhe vepron pa asnjë pasojë. Bardhi ka autorizuar ekipin ligjor për përgatitjen e kallëzimit penal në SPAK, duke kërkuar veprim urgjent nga prokurorët.

“Banda elektorale e Belinda Ballukut, ku kryebashkiakja e Roskovecit zë një vend ” _nderi_ “, vazhdon t’i bëjë karshillek ditën për diell ligjit dhe organeve të drejtësisë.

E trimëruar nga pandëshkueshmëria, Majlinda Bufi, kryetarja e rekordeve të paligjshmërisë dhe korrupsionit, ditën e djeshme shpërndau fotot e grupeve të terrenit që po përgatisin lejet e legalizimit dhe certifikatat e pronësisë për 300 banorë të Roskovecit dhe Strumit, me të vetmin qëllim tjetërsimin dhe manipulimin e vullnetit të tyre për zgjedhjet parlamentare të 11 majit.

Shpërndarja e lejeve të legalizimit dhe certifikatave të pronësisë është në shkelje flagrante të Kodit Zgjedhor dhe Kodit Penal, dhe meriton ndëshkim shembullor nga organet ligjzbatuese. Por, sic duket për Belinda Ballukun dhe anëtarët e bandës elektorale të saj nuk vepron as ligji e as drejtësia.


Përndryshe si mund të shpjegohet që të gjitha zyrtarët e shtetit në qarkun e Fierit kanë braktisur detyrën dhe shërbimin ndaj qytetarëve, duke u vënë tërësisht nën shërbimin e bandës elektorale, dhe gjithë këtë e bëjnë ditën për diell, pa u shqetësuar se shkelin ligjin dhe konsumojnë haptazi vepra penalisht të dënueshme.

Megjithatë, ne nuk do të heshtim dhe as nuk stepemi përballë bandës dhe anëtarëve të saj. Ditën e sotme kam autorizuar ekipin ligjor që të përgatisë menjëherë kallëzimin penal të rradhës për Majlinda Bufin në SPAK, ndërkohë që presim që prokurorët e posaçëm të veprojnë me urgjencë mbi dhjetëra kallëzime dhe mijëra faqe prova që kam dorëzuar këto gjashtë muaj ndaj kryetares së bandës elektorale, Belinda Balluku dhe secili anëtar të bandës së saj individualisht”, shkruan Bardhi.

Të fundit