Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Bardhi në Konferencën e Kryetarëve: Kërkojmë komision hetimor për fondet IPARD

Politiko 5 Nëntor 2025, 16:21

Bardhi në Konferencën e Kryetarëve: Kërkojmë komision

Kreu i grupit parlamentar të Partisë Demokratike, Gazment Bardhi, kërkoi sot në Konferencën e Kryetarëve ngritjen e komisionit hetimor parlamentar për fondet IPARD. Ai theksoi se ngritja e një komisioni të tillë është një e drejtë kushtetuese e një të katërtës së deputetëve, duke shtuar se Kuvendi nuk mund ta pengojë këtë proces.

“Ne nuk dublojmë punën e Prokurorisë. Fakti që Prokuroria ka nisur hetim penal tregon se ekziston një problematikë. Këtë e ka sqaruar edhe Gjykata Kushtetuese: Prokuroria ka detyrat e saj, ndërsa Kuvendi ushtron kontroll administrativ. Pretendimet tuaja janë të pabaza”, tha Bardhi.

Sipas tij, nëse mazhoranca ka kundërshtime për objektin e hetimit, mund të sjellë një formulim alternativ, por deri më tani nuk ka pasur ndonjë shqetësim konkret.

“Për sa kohë nuk ka shqetësim për objektin, duhet të miratojmë me konsensus përbërjen e komisionit dhe të caktojmë datën e mbledhjes së tij. Këtë na e ka thënë edhe Gjykata Kushtetuese”, theksoi ai.

Bardhi akuzoi mazhorancën se po pengon kontrollin parlamentar dhe po “zhbën parlamentarizmin”.

“Kemi vetëm një muaj nga mbyllja e sesionit dhe ju nuk keni pranuar asnjë mekanizëm kontrolli nga opozita. Kjo është shkelje e Kushtetutës dhe një formë ‘dhune’ ndaj opozitës”, deklaroi kreu i grupit të PD-së.

 

 

 

Të fundit