Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Bardhi reagon për ndryshimin e trupës gjykuese në dosjen e Salianjit: Akt i paprecedent, shembull i shëmtuar i drejtësisë

Politiko 27 Janar 2025, 15:12

Bardhi reagon për ndryshimin e trupës gjykuese në dosjen e

Kreu i Grupit Parlamentar të PD-së, Gazment Bardhi, ka reaguar ashpër lidhur me ndryshimin e trupës gjykuese të Gjykatës së Lartë që shqyrton dosjen e ish-deputetit të PD-së, Ervin Salianji.

Ai e cilëson këtë si një akt të paprecedent dhe një shembull të qartë të se si drejtësia nuk mund të funksionojë kurrë në këtë mënyrë.

Bardhi thekson se pas një vendimi politik të Gjykatës së Apelit që burgosi Salianjin, vetëm për shkak të kundërshtimit të regjimit të Edi Ramës, opinioni publik priste që Gjykata e Lartë të ofronte drejtësi.

Por ai denoncon manipulimin e shortit përzgjedhës dhe ndryshimin e trupës gjykuese brenda 24 orëve, pa asnjë shpjegim, si një sinjal që paralajmëron vazhdimin e padrejtësisë.

“Akti i paprecedent i ndryshimit të trupës gjykuese të zgjedhur me short në çështjen në Gjykatën e Lartë të kolegut Ervin Salianji, është shembulli më i shëmtuar sesi nuk mund të jetë kurrë drejtësia.

Pas një vendimi politik të Gjykatës së Apelit që burgosi Ervin Salianjin vetëm se është kundërshtar i regjimit të Edi Ramës, kushdo priste dhe pret drejtësi nga Gjykata e Lartë. Por deformimi i rezultateve të shortit përzgjedhës dhe ndryshimi i trupës brenda 24 orëve, pa dhënë asnjë shpjegim, është sinjal që paralajmëron vazhdimin e padrejtësisë.

Duke dënuar me forcë manipulimin në rastin konkret, apeloj që gjyqtarët e ndershëm në Gjykatën e Lartë të mos pranojnë të përdoren politikisht për të mbajtur gjallë një padrejtësi dhe për t’u keqpërdorur për hakmarrje politike ndaj kundërshtarëve të regjimit të Edi Ramës”, shkruan Bardhi.

Të fundit