Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Ditari i Opozitës

Bardhi: Shumica po shmang kontrollin efektiv, opozita është komponent i një demokracie funksionale

Politiko 27 Mars 2026, 17:30

Bardhi: Shumica po shmang kontrollin efektiv, opozita është komponent

Kreu i Grupit Parlamentar të PD, Gazment Bardhi, ka ngritur shqetësime për funksionimin e demokracisë dhe rolin e Kuvendit në Shqipëri, gjatë një tryeze të nivelit të lartë të organizuar nga Ambasada Britanike në Shqipëri dhe Westminster Foundation for Democracy.

Në aktivitetin me temë “Forcimi i Qeverisjes Demokratike dhe Ndryshimit Transformues”, Bardhi theksoi se hapësira e debatit në Kuvend është kufizuar ndjeshëm, ndërsa proceset vendimmarrëse, sipas tij, vuajnë nga mungesa e transparencës.

Ai u ndal gjithashtu te mënyra se si përdoret shumica parlamentare, duke argumentuar se ajo shfrytëzohet për të shmangur kontrollin efektiv ndaj qeverisë dhe institucioneve.

Postimi:

Gjatë fjalës time në Tryezën e nivelit të lartë “Forcimi i Qeverisjes Demokratike dhe Ndryshimit Transformues” , të organizuar nga Ambasada Britanike dhe WMF për Demokraci, ndër të tjera theksova se:

Demokracia nuk është një gjendje e dhënë njëherë e përgjithmonë. Ajo është një proces që kërkon vigjilencë të përditshme, institucione të forta dhe mbi të gjitha vullnet politik për të respektuar rregullat e bashkëjetesës demokratike.

Roli i Kuvendit të Shqipërisë është kyç në këtë drejtim. Parlamenti nuk duhet të jetë thjesht një mekanizëm formal për miratimin e ligjeve të propozuara nga qeveria, por një hapësirë reale debati, kontrolli dhe llogaridhënieje. Në këtë kuptim, opozita nuk është pengesë, por një komponent i domosdoshëm i një demokracie funksionale. Një opozitë e fortë dhe e dëgjuar garanton balancën e pushteteve dhe mbron interesin publik.

Megjithatë, realiteti që përjetojmë shpesh na tregon se ky rol nuk është gjithmonë i lehtë për t’u ushtruar. Sfida të tilla si kufizimi i hapësirës së debatit, mungesa e transparencës në proceset vendimmarrëse dhe përdorimi i shumicës parlamentare për të shmangur kontrollin efektiv, dëmtojnë besimin e qytetarëve tek institucioni dhe cënojnë interesin publik.

Është fakt tashmë i njohur botërisht se kërkesat e deputetëve të opozitës për informacion mbeten pa përgjigje. Kërkesat tona për interpelanca dhe pyetje me kryeministrin apo anëtarët e qeverisërefuzohen, ndërsa kërkesat tona për ngritjen e komisioneve hetimore rrëzohen. Projektligjet tona po ashtu votohen kundër përpara se të lexohen, edhe pse në disa raste të njëjtat nisma ligjore merren nga qeveria apo mazhoranca dhe miratohen.