Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Basha: Berisha, një ish-komunist i frikësuar nga 18 dhjetori, është gati të shkatërrojë fëmijën e vet politik

Politiko 13 Dhjetor 2021, 16:59

Basha: Berisha, një ish-komunist i frikësuar nga 18 dhjetori,

Kryedemokrati Lulzim Basha ka reaguar me akuza të ashpra ndaj ish kryeministrit Sali Berisha.

Në një konferencë për mediat, Basha nga selia e PD e ka cilësuar Berishën një ish komunist që i trembet Kuvendit të 18 dhjetorit dhe se ka themeluar një organizatë antiamerikane.

Basha: Asnjë demokrat, anëtarët e Këshillit Kombëtar që dje refuzuan thirrjen për bojkot ishin të pranishëm në prani të mediave. Votuan. Asnjë anëtar që do mblidhet në 18 dhjetor nuk i nënshtrohet asnjë presioni. Është proces politik vërtetësie se ka interesin e demokratëve dhe jo hallin e një personi, është proces që është i destinuar të përfundojë me sukses.

Asnjë lloj force, banditë, njerëz me precedentë kriminale, njerëz aksionerë me Veliaj e Tiranën, baronë të drogës , nuk i imponohet PD që do vazhdojë të funksionojë sipas kushtetutës së saj.

Berisha ka themeluar një organizatë antiamerikane dhe do i bashkohet organizatave të ngjashme duke thyer traditën e Shqipërisë. Deri më sot nuk kanë ekzistuar organizata të tilla.

Pa SHBA dhe BE e Britaninë ky komb do kishte fat ndryshe. Ne mund ti fajësojmë për gabimet tona, por cdo popull ka qeverinë që meriton. Shqiptarët nuk e meritojnë Ramën.

Ajo që pamë sot nuk janë vlera, janë llumi i shoqërisë dhe kanë qenë llumi i PD tani i vetëpastruar me vullnet, duke i bërë nderë PD.

Këto janë ditët e përçarjes nga Berisha me fyerje e gënjeshtra demokratëve. Sot pamë një njeri të frikësuar nga Kuvendi i 18 dhjetorit. Demokratët po presin që kuvendi i 18 dhjetorit ti japë përgjigje të qartë të shkuarës dhe mesazh kombit për të nesërmen.

Ne e dimë rrugën me të cilën do drejtojmë këtë vend për të carë pengesat. Në përpjekje për tiu fshehur non gratës, Berisha po përpiqet të fshihet pas PD dhe sot brenda PD. Ne qëndruam të qetë se kishim punën tonë. Vendosëm të mos biem në provokim se për ne e para është Shqipëria dhe PD. Para cdo personi që përpiqet ta shkatërrojë atë se nuk e përdor dot sic e ka përdorur. Kjo që pa secili është pamja e një humbësi që mundohet të shfaqet si fitimtarë, në fakt gjithçka që ka bërë sot tregoi se humbja është pa kthim.

Berisha është si një ish komunist me gënjeshtra është gati të shkatërrojë edhe fëmijën e vet politik për interesin e e tij personal.