Flash News

Dosja “Partizani”, shtyhet më 21 korrik seanca në Gjykatën e Posaçme

Kërkoi ndryshimin e masës së sigurisë, shtyhet më 7 korrik seanca për Malltezin

Sot gjyqi për 'Partizanin', Malltezi nga SPAK: Gjueti shtrigash, çështje që nisi me kallëzimin pa bazë të Ballës

Minimatura/ Provimi i fundit, rreth 28 mijë nxënës testohen sot në Gjuhën e Huaj

Nis sot procesi gjyqësor për dosjen “Partizani”

Ditari i Opozitës

Basha e renditi të 13-tin, Dash Shehi: Meritoja më lart, do të marr mijëra vota

Politiko 10 Mars 2021, 13:29

Basha e renditi të 13-tin, Dash Shehi: Meritoja më lart, do të

Kreu i LZHK-së, Dashamir Shehi duket se nuk ka mbetur shumë i kënaqur nga pozicioni ku e ka renditur kryedemokrati Basha. Shehi renditet i 13-ti në Qarkun e Tiranës, por sipas tij, ai meritonte më lart, por është deri diku i kënaqur me këtë renditje. Shehi u shpreh më tej se do të bëj detyrën si përherë dhe se do të marrë mijëra vota në zgjedhjet e 25 prillit.

“Meritoja më lart, por jam disi i kënaqur. Jam një njeri që kam ndenjur shumë vite jashtë Parlamentit, nuk më ka munguar jeta politike. Por jam i sigurt që do të marr me mijëra e mijëra vota të qytetarëve, që më respektojnë. Me këtë rast, falënderoj edhe këtë kryeministër për reklamën që po më bën. E quaj për nder që brenda skuadrës së madhe opozitare kam një pozicion dinjitoz. Këto janë rregullat e lojës, të politikës, unë do të bëj detyrën time si përherë dhe këtë radhë jam jashtëzakonisht i bindur që shqiptarët do ta shfrytëzojnë këtë dritare, që për herë të parë kanë të drejtë të përzgjedhin mes personave. Unë do të kisha preferuar një listë krejt të hapur. Por shqiptarët e kanë këtë të drejtë të zgjedhin njerëzit më të mirë, më të ndershëm, edhe pse kjo ‘e ndershme’ më duket se ka humbur, këtu sheh horrat. Nuk është shumë e madhe dritarja, nuk hyn shumë ajër e dritë, por aq pak sa kanë, ta shfrytëzojnë qytetarët e të zgjedhin më të mirin”, tha Shehi për News24.

Kreu i LZHK-së komentoi edhe listat e kundërshtarit, ku sipas tij nuk mund të quhet më lista e PS-së, por e Edi Ramës pasi disa figura të njohura ishin larguar nga partia, ndërsa disa të tjerë ishin renditur nga Rama në “vijën e zjarrit”. Sipas Shehit, Rama i zgjodhi ata emra në lista që mos t'i kërkojnë largimin pas humbjes më 25 prill.

“Nuk është lista e PS, nuk ka PS, kjo është lista e Edi Ramës, e grupit të tij, biznesmenëve dhe mikeshave që ka përqark. Lista e korrupsionit, e vjedhjes masive. Ky është dështimi i politikës. Ditën që e merr një njeri i vetëm, që principi për t’u futur në një listë politike, nuk ka më vlerë raporti personal, por raporti me shefin. Ka njerëz që duheshin larguar nga lista, do i kisha larguar edhe unë me qejf të madh, por disa prej tyre janë larguar se kanë pasur guximin për t’i kthyer dorë shefit. Kjo është fitore e atij shefit. Unë do të gjykoja që fitorja e opozitës sot, e një lloj demokracie, i bën nder edhe socialistit të ndershëm, atij që do të bëjë garë. Kështu s’ka asnjë asgjë në dorë, nëse do shefi, ti largohesh. Ne nuk merremi me emra, por disa janë larguar, se herë pas here kanë kthyer dorë ndaj shefit. Distanca e Ramës me ata shërbëtorët që ka atje është rritur. Të gjithë ata që ka futur nëpër lista janë një “hiç”, se nuk kanë asnjë kontribut. Këtë e bënte dhe Enver Hoxha sa herë i tekej. I njëjti fenomen po ndodh tani. Ky fenomen ka dhe një gjë tjetër, që po ua bëj të qartë socialistëve. Vihen kështu në lista, që kur të humbë Rama zgjedhje, të mos ketë kush ta kundërshtojë në lidershipin, tërheqjen e vet, sepse ato zotërinjtë që i largoi tani mund t’i thonin të largohej, por me ata që vuri në lista, do ta kemi edhe nja 4-5 vjet Ramën. Gjithë ideja është që shefi krijon distancën maksimale me skllevërit e vet, që mos t’i kthejnë dorë, kur të humbë zgjedhjet. Unë nuk kam qejf të merrem më me këtë lloj personazhi”, u shpreh Shehi.