Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Ditari i Opozitës

Basha e zëvendësoi me Agron Kapllanajn, Baçi: S'kam kërkuar dorëheqjen, ja çfarë më kërkoi Basha

Politiko 21 Tetor 2021, 21:33

Basha e zëvendësoi me Agron Kapllanajn, Baçi: S'kam

Kreu i demokratëve Lulzim Basha emëroi kryetar të degës së PD-së Fier Agron Kapllanajn, duke shkarkuar kryetarin aktual Luan Baçi.

Në një intervistë për Syri Tv, Baçi ka sqaruar se nuk ka kërkuar dorëheqje nga posti i kryetarit, por ka qenë kërkesa e Bashës dhe sekretarit të Përgjithsmë të PD-së Gazment Bardhi, për të dhënë dorëheqjen e për të kandiduar si deputet.

Ai tregon se ka zhvilluar një takim në zyrën me Bashën, por nuk i bka dhënë dakordësi për dorëheqje. Bçi shton se lajmin e shkarkimit të tij e ka mësuar përmes mediave.

"Ishte takim në zyrën e tij. Më ka marrë në telefon sekretarja. 2-3 orë para i kisha nisur një mesazh, për tre propozimet për amendimet kushtetuese. Dhe mendova se ishte ideja që po më thërriste për këto. Gjatë bisedës më kërkoi, dua dakordësinë tuaj për të komanduar një person tjetër në degën e Fierit. I kam thënë nuk e di arsyen dhe çfarë argumentesh ka. Unë jam kryetar prej disa kohësh dhe nuk kemi një problematikë. I kam thënë që nuk pranoj propozime nga ju. Kjo ka qenë biseda. Jam larguar nga zyra duke mos i dhënë dakordësi. Të nesërmen kam parë lajmet për dorëheqje dhe shkarkim. Nuk ka patur shkresë zyrtare. Më pas në emailin tim personal dhe të sekretarit të degës, vjen një shkresë që thotë se lirohet nga detyra Luan Baçi me vendim të Kryesisë. Ndërkohë që sipas informacioneve që kam, nuk ka patur asnjë mbledhje Kryesie që mund të ketë vendosur pranimin e dorëheqjes apo komandim të një personi tjetër," shprehet Baçi.

Teksa shprehet s evendimi është marrë pa mbledhjen e kryesisë së PD-së, Baçi mohon që një kryetar të ketë një kompetencë të tillë, teksa shton se një akt i tillë nga Basha është shkelje e statutit të partisë.

"Nuk e ka një kompetencë të tillë. Është Kryesia ajo që vendos dhe jo kryetari. Nuk duhet të suprizohemi nga vendime të tilla mendoj unë, kjo është një gjë shumë e vogël që bëhet me shumë gjëra të tjera në shkelje të statutit. E them me keqardhje, nuk kam asnjë lloj problemi personalisht, jam shumë i hapur, kryetarët e degëve apo çdo institucion tjetër te PD duhet të kenë mandate të kufizuara deri në dy mandate, duhet të ketë qarkullim sepse vijmë nga katër humbje rresht. Diskutimi im është te shkelja e statutit, vënia e vetos dhe mosrespektimi i strukturave," tha Baçi.