Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Basha mbledh kandidatët për deputet në orën 18:00, Alibeaj zbardh detajet e takimit

Politiko 4 Maj 2021, 16:34

Basha mbledh kandidatët për deputet në orën 18:00, Alibeaj

Kryetari i Partisë Demokratike, Lulzim Basha do të mbledhë sot në orën 18:00 kandidatët për deputet në zgjedhjet parlamentare të 25 prillit.

Enkelejd Aliabeaj, i cili në këto zgjedhje fitoi mandatin e deputetit në Qarkun e Fierit, ka zbardhur detajet nga ky takim që pritet të ndodhë. Alibeaj tregon se në takimin mes Bashës dhe kandidatëve demokratë do të diskutohet për abuzimet që janë bërë nga pushteti, blerja e votës, angazhimi i administratës në fushatë, tenderat e lëshuara në katër muajt e fundit, etj.

"Do të diskutohet që është argument bisede në çdo familje shqiptare, ajo që ndodhi në 25 prill. Fakti publik për këdo që ajo që duhet të ishte një proces zgjedhor, ku do të shprehej vullneti i popullit, të mund të lexohej e tillë dhe të kishim një rezultat të gjithëpranuar që të shprehte dhe të profilizonte shkallën e parë themelore të një qeverisje legjitime. Kjo është tema që do të diskutohet. Kjo është njëra, por ky proces faktmbledhës ka nisur prej kohësh tek PD. Është ngritur një grup ligjor dhe një grup që ka marrë të dhënat në vazhdimësi. Duke e ditur parashikuar, të asaj që do të ndodhte, ne kemi pas ngritur një grup që jo vetëm jepte udhëzimet përkatëse, por paraqiste provat që kanë ndodhur për shumë muaj me radhë.

Strukturën e ngritur për mbrojtjen e votës është krijuar një vit më parë, në kohën e 5 qershorit. Një grup juristësh që kanë diskutuar ato që do të ishin të pritshme nga ana e shtetit, analizat përkatëse kanë nisur me ndryshimet Kushtetuese dhe ndryshimet që kanë ndodhur në fletën e votimit. Fakti që kemi ndjekur të gjitha procedurat e prokurimeve nga dhjetori e këndej. Në Kodin Zgjedhor të vitit të kaluar u arrit një parashikim ligjor, që katër muaj para zgjedhjeve, nuk lejoheshin tenderime të parashikuara, vetëm për gjendjet e jashtëzakonshme. 240 milionë kanë qenë vetëm për ujësjellësit. Të dhënat e mbledhura për punësimet, edhe kjo ka qenë e ndaluar nga Kodi Zgjedhor. Ne i kemi mbledhur në përgjithësi. Jemi duke mbledhur edhe të dhëna të tjera që janë faktuar në zgjedhjet dhe pas tyre.

Ne bëmë rezistencën maksimale para një viti, më 5 qershor, që shtrimë dorën edhe për faktin që ishte e vetmja detyrë e lënë nga BE për të plotësuar detyrat. Bëmë rezistencën tonë. Fleta e votimit rezultoi në numër të madh votash të pavlefshme, ku trefishi i tyre janë të pavlefshme. Për konfuzionin e krijuar, votat e tyre nuk llogariten, teorikisht ato do të ndryshonin situatën e shifrave. A i bëmë ne përpjekjet që të mos përdohej paraja? E bëmë sepse e vendosëm në Kodin Zgjedhor. Ne kemi bërë ndryshime edhe në shtatë ligje të tjera. Të gjitha hapat që merr opozita ne i kemi bërë, po vazhdojmë të bëjmë me mjetet, të gjitha ato që opozita duhet bëjë. Përdorimi i krimit, parasë, pasiviteti i policisë. Madje edhe përdorimi. Përdorimi i administratës shtetërore, janë çështje që duhen të shqetësojnë të gjithë shoqërinë." tha Alibeaj në News24.

Enkelejd Alibeaj theksoi se Partia Demokratike nuk i njeh zgjedhjet dhe është e angazhuar maksimalisht për të vendosur demokracinë, e të mos lejojnë instalimin e diktaturës.

"Nuk varet nga opinioni ynë, i njohim s’i njohim. Nëse nuk ka ndodhur të mos përdoret krimi, paratë e buxhetit për të blerë vota. Krimi a ka qenë i angazhuar? Mund t’ju sjell fakte. Punësimet e paligjshme a kanë ndodhur? Përdorimi i administratës për të shantazhuar prindër për votën, ka ndodhur. Sot kemi depozituar 50 kallëzime penale në SPAK. Nuk është në opinionin tonë, këto zgjedhje nuk njihen sepse nuk ishin zgjedhje. Ajo që është e ditur për këdo, është që jemi drejt një përballje për të fituar apo jo demokracinë, apo për të lejuar instalimin e një regjimi. Kjo është një provë. Ajo që është betejë, është jo vetëm e opozitës, por e të gjithë qytetarëve shqiptarë. Atyre që rezistuan ndaj presionit të shtetit. Do të vlerësohen të gjitha instrumentet që nuk do të lejojnë instalimin e diktaturës." tha Alibeaj.

Një ditë më parë Basha mblodhi në selinë blu dhe krerët dhe sekretarët e degëve të Partisë Demokratike, ku iu bëri me dije se këto zgjedhje nuk do njihen nga ana e Partisë Demokratike dhe iu kërkoi që të mbledhin prova.