Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Basha: PD nuk do të bëhet bunker për hallet e Berishës, është kthyer në tubë oksigjeni për Ramën

Politiko 6 Janar 2022, 22:03

Basha: PD nuk do të bëhet bunker për hallet e Berishës,

Kryedemokrati Lulzim Basha nuk ndal akuzat ndaj liderit historik të PD, Sali Berisha i cili sipas tij po mundohet të kthejë PD në një bunker për hallet personale, në një kohë ku qytetarët po përballen me keqqeverisjen e Edi Ramës. Basha në vijim të fjalës së tij shtoi Berisha dhe mbështetësit e tij janë kthyer në tuba oksigjeni për kryesocialistin Rama.

“S’është fare e vërtetë, edhe këtë e ka sqaruar në mënyrën më shteruese sekretari i përgjithshëm në deklaratën që i ka dhënë mediave, pjesë e së cilës ju sapo e dhatë në sinkron aty. Ai ishte një shoë për të treguar se gjoja Partia Demokratike tani qenka një bunker, kur në fakt janë ata një pakicë absolute që po përpiqen ta kthejnë Partinë Demokratike në bunger. Ndërkohë që Partia Demokratike nuk do të bëhet bunker as për hallet e Sali Berishës, as të atyre që e shoqërojnë dhe që kanë probleme të ngjashme apo dhe më të rënda. Sigurisht ka mes tyre shumë demokratë të cilët janë të zhgënjyer, të dëshpëruar nga masakra zgjedhore. Ata janë meraku im. Kurse për këta që bëjnë shfaqje, këta në radhë të parë duhet të vijnë në Parlament duhet të bëjnë detyrën për të cilën i kanë votuar demokratët, se kanë 4 muaj që s’kanë parë derën e Parlamentit. Këta duhet të shkojnë në zonë të qajnë hallet e njerëzve. Janë kthyer në tubë oksigjeni për Edi Ramën, se edhe sot, edhe dje kanë plasur skandale të tjera. Ka plasur skandali që vërteton që Patronazhistët janë një sistem kontrolli i partisë shtet.”, deklaroi Basha.

I pyetur nëse demokratët mund të vijnë brenda selisë, pasi s’po futen dot, Basha theksoi se këto deklarata nuk janë aspak të vërteta, ku sipas tij PD është gjithmonë e hapur dhe vetëm po kryhen rregullime.

“S’është e vërtetë. S’është fare e vërtetë. Çdokush që është një funksionar i Partisë Demokratike apo çdo demokrat që ka punë në Partinë Demokratike, sipas rregullave të institucionit mund të futet në Partinë Demokratike. Nga ana tjetër po, po bëhen punime. Ka pasur ndryshime strukturore, janë shtuar sekretariatet, Komisionet e Këshillit Kombëtar do të fillojnë së shpejti funksionimin. Siç thuhet në gjuhën popullore, ka tulla dhe llaç dhe për këtë arsye janë marrë dhe masa të devijimit të hyrje daljeve. Po gjithë kjo xhalo, po e përsëris dhe një herë, po bëhet për të tërhequr vëmendjen nga 2 fakte kryesore. E para, që kemi të bëjmë me një lëvizje që ka synim kryesor ta shkatërroj PD-në, që një institucion si familje me rregulla, për një familje demokratike, e cila i shërben demokratëve dhe jo halleve të një personi dhe së dyti, ta zhvendos tërësisht vëmendjen nga skandalet qeveritare, duke i bërë kështu shërbimin më të mirë Edi Ramës dhe dëmin më të madh Partisë Demokratike dhe interesit publik të shqiptarëve.”, tha Basha.