Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Basha takim me pedagogët: Kapacitetet e universiteteve të pamjaftueshme për mësim online, profesorët po largohen nga Shqipëria

Politiko 2 Nëntor 2020, 17:22

Basha takim me pedagogët: Kapacitetet e universiteteve të

Kreu i PD, Lulzim Basha, pas të rinjve dhe studentëve u takua këtë pasdite edhe me pedagogë të Universitetit të Tiranës.

Gjatë bashkëbisedimit me ta, Basha tha se teknologjia dhe kapacitetet e universiteteve janë të  pamjaftueshme për të zhvilluar një proces dinjitoz online.

“Kaosi në arsim do të jetë me pasoja të mëdha afatgjata për vendin. Pedagoget janë larguar në emigracion, 5- 6 pedagogë vetëm nga fakulteti i ekonomisë.

Teknologjia dhe kapacitetet e universiteteve janë të  pamjaftueshme për të zhvilluar një proces dinjitoz online

Një nga hapat e parë të qeverisjes tonë do të jetë anulimi dhe zëvendësimi i ligjit aktual për arsimin e lartë me një ligj të ri bashkëkohor. Bashkë me anulimin e ligjit dhe zëvendësimin e tij me një ligj modern, do të akordojmë mjete të mjaftueshme financiare. Brenda 2 viteve të para, Shqipëria do të jetë në një nivel me rajonin, që na ka lënë pas”, tha Basha.

Ndërsa pedagogët ngritën shqetësime të ndryshme. Sipas pedagogëve, vendimmarrja e qeverisë për mësim online ishte i befasishëm dhe nuk u parapri me përgatitjet minimale për mësimdhënien.

“Studentët nga periferitë dhe zonat rurale nuk kanë internet, nuk marrin dot pjesë në mësimin online. Fakultete të shkencave të aplikuara nuk mund të zhvillojnë online orët e laboratorëve dhe praktikave, ndërsa nga dështimi i mësimdhënies vitin e kaluar me këtë platformë bëri që disa degë të përsërisin leksionet gjatë verës.

Të fundit