Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Basha takon krerët e 71 degëve: 18 Dhjetori bashkimi i demokratëve, beteja mes nesh i shërben Ramës

Politiko 17 Nëntor 2021, 16:48

Basha takon krerët e 71 degëve: 18 Dhjetori bashkimi i

Kreu i Partisë Demokratike është duke zhvilluar një takim me drejtuesit e 71 degëve, pas shpalljes së mbledhjes së Kuvendit Kombëtar të PD-së më 18 dhjetor.

Mësohet se në takim kreu i demokratëve është shprehur se 18 dhjetori, do të jetë bashkimi i demokratëve. Basha ka thënë se ndarja mes njëri-tjetrin nuk i çon askund, veçse i shërben Ramës.

“Rama është kundërshtari ynë i përbashkët, pavarësisht çfarë mendojmë në këtë situatë që po kalojmë. Beteja me njëri-tjetrin nuk na çon askund. I shërben vetëm Ramës dhe patericave te tij, që po bëjnë gjithçka që beteja mes nesh të çojë në një ndarje të partisë. Ju jeni dëshmitarë të kësaj”, ka thënë Basha.

Lideri i demokratëve nuk i kurseu as kritikat për ish-kryeministrin Sali Berisha. Për 71 krerët e degëve të PD-së, Basha u shpreh se Berisha e kishte justifikim nisjen e ‘Foltores’, me argumentin se vendimi për përjashtimin e tij nuk ishte marrë në konsultë me forumet e partisë.

“Kjo histori e përdorimit te demokratëve si mburoje e interesave personale te kujdo merr fund njehere e përgjithmonë. Kryesia e Partisë Demokratike votoi për mbledhjen e Kuvendit legjitim. Sali Berisha thotë se prapë nuk e njeh. Ku qëndron morali i statutit që me forcë ngre Sali Berisha? Çfarë po kërkon ai? Sali Berisha nuk e ka hallin te statuti Ai nuk njeh asnjë strukturë të Partisë, sepse qëllimi i tij është që partia të shndërrohet në një mburojë të tij përballë Shteteve të Bashkuara. Basha e përforcoi argumentin se Berisha e kishte justifikim nisjen e foltores me qëndrimin se vendimi për të nuk ishte marrë nga forumet. “Pse nuk e përmend më Sali Berisha faktin me të cilin nisi foltoren, sepse nuk u votua në Kryesi? Sepse ky ishte një justifikim. Ja ku është vendimi i Kryesisë me 28 vota pro për mbledhjen e Kuvendit, dhe ai përsëri thotë se njoh. Është e qartë se sido që të merrej ai vendim, me çfarëdo votimi, Sali Berisha dëshmon se nuk do ta njihte. Sepse sot ai nuk njeh asnjë organ zyrtar te PD”, u shpreh Basha.

Të fundit