Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Bashkia e Kamzës i rrëmben pronën qytetarit, PD: Po grabiten toka me VKM të manipuluara

Politiko 5 Tetor 2025, 10:42

Bashkia e Kamzës i rrëmben pronën qytetarit, PD: Po grabiten toka

Zëdhënësja e Antikorrupsionit në PD, Genta Vangjelit ka denoncuar grabitjen që i është bërë një qytetari nga Bashkia e Kamzës.

Sipas Vangjelit, qytetarit i cili ka denoncuar i është grabitur një tokë e ligjshme e pajisur me certifikatë pronësie nga bashkia e Kamzës, e cila e ja shpallur pronë të bashkisë.

Partia Demokratike kërkon nga institucionet përgjegjëse t'i japin fund abuzimit me të drejtën e pronës si një nga të drejtat themelore të garantuara nga Kushtetuta.

DEKLARATA:

Xhemal Agolli ju drejtua PD për të sjellë zë për pretendimin e tij lidhur me mohimin e të drejtës së pronës nga bashkia Kamëz.

Zotëria si pronar i ligjshëm i pajisur me certifikatë pronësie dhe planin e rilevimit sipas hartës kadastrale referente, denoncoi përballjen e tij me një akt arbitrar të Bashkisë Kamëz, e cila ka vendosur një tabelë në pronën e tij duke e shpallur atë si pronë të bashkisë.

Në përgjigje të ankesës së Agolli, me anë të shkresës së saj datë 24 Shtator, bashkia Kamëz thekson se referuar dokumentacionit bashkëlidhur paraqitur nga ankimuesi, rezulton se pasuria për të cilën ai disponon dokumentin e pronësisë pozicionohet grafikisht mbi pasurinë e certifikuar në emër të bashkisë Kamëz.

Në këto kushte Agolli i kërkohet të saktësojë dhe azhornojë hartën kadastrale.

Bashkia Kamëz citon se pronësia e saj mbi pasurinë buron nga VKM nr. 775, datë 05.09.2013 ‘Për miratimin e listës përfundimtare të pronave që transferohen në pronësi të bashkisë Kamëz dhe prandaj pasuria nr. 42/26 zk2066 me sip 10000 m2, lloji I pasurisë shkëmbore dhe prona është transferuar në pronësi të bashkisë Kamëz gjithashtu është certifikuar në vitin 2020 ndërsa harta kadastrale është rifreskuar në vitin 2024.

Por Agolli disponon një shkresë të vetë Bashkisë Kamëz të datës 22.05.2015, pra dy vite pas miratimit të VKM-së mbi të cilën sot bashkia pretendon pronësinë, e cila konfirmon saktësimin e dokumentacionit të tij dhe numrin e pasurisë.

Në këto kushte, Partia Demokratike kërkon nga institucionet përgjegjëse të reflektojnë në shqetësimin e qytetarëve për ti dhënë fund abuzimit me të drejtën e pronës si një nga të drejtat themelore të garantuara nga Kushtetuta.

Dokumenta bashkëngjitur

Të fundit