Flash News

Aksident në aksin Fier-Lushnje, Benz-i përplas nga pas furgonin me pasagjerë, 7 të plagosur, dy në gjendje të rëndë

Shpërthime të fuqishme në Tel Aviv dhe Jerusalem, Irani sulmon me mbi 100 raketa

Përfshihet nga flakët makina në Bulqizë, shpëton shoferi dhe pasagjerët

Zjarr në Berat, përfshihet nga flakët një sipërfaqe me shkurre

Emigranti shqiptar i nxori nga lumi, dy fëmijët nuk ia dalin dot, pësojnë vdekje klinike

Ditari i Opozitës

Balliu takim me ish-kryeministrin e Polonisë: Nuk mund të ecim drejt Evropës nëse nuk ndëshkojmë korrupsionin

Politiko 13 Qershor 2025, 15:30
Balliu takim me ish-kryeministrin e Polonisë: Nuk mund të ecim drejt
Klevis Balliu

Deputeti i zgjedhur i Partisë Demokratike, Klevis Balliu, ka marrë pjesë në një aktivitet të organizuar nga Ambasada e Polonisë në Shqipëri, ku zhvilloi një diskutim me ish-Kryeministrin e Polonisë, profesor Marek Belka, dhe Ambasadorin, Wojciech Unolt.

Në një postim në rrjete sociale, Balliu shkruan se diskutimi u fokusua në sfidat që përballet Shqipëria në rrugën e saj drejt integrimit evropian. Balliu shkruan më tej se mungesa e një media të lirë, sundimi i ligjit dhe korrupsioni janë pengesa të mëdha.

Ai thekson se pezullimi i fondeve IPARD nga BE për Shqipërinë është një alarm për nevojën për transparencë dhe llogaridhënie.

Postimi i plotë:

Me ish-Kryeministrin e Polonisë, profesor Marek Belka, dhe Ambasadorin e Polonisë, z. Wojciech Unolt

Ishte një kënaqësi e veçantë të zhvilloja një diskutim të hapur dhe të frytshëm gjatë një aktiviteti të organizuar nga Ambasada e Polonisë në Shqipëri, në bashkëpunim me Impact Assessment Institute (IAI) dhe Creative Business Solutions (CBS), me ish-Kryeministrin e Polonisë, profesor Marek Belka, dhe Ambasadorin Wojciech Unolt. Diskutimi u përqendrua në sfidat me të cilat përballet Shqipëria në rrugën e saj drejt integrimit evropian.

Mungesa e një media të lirë dhe e një sistemi të funksionshëm të sundimit të ligjit, si dhe korrupsioni i përhapur, përbëjnë pengesa serioze në këtë proces. Fakti që Bashkimi Evropian ka pezulluar fondet IPARD për Shqipërinë për shkak të keqpërdorimeve dhe korrupsionit është një tregues i qartë se nuk mund të ketë integrim të vërtetë pa transparencë dhe llogaridhënie. Nuk mund të ecim drejt Evropës pa u përballur dhe pa ndëshkuar fenomenin e vjedhjes së fondeve publike.

Polonia ka qenë gjithmonë një mbështetëse e palëkundur e Shqipërisë dhe e aspiratave tona evropiane. Edhe ky aktivitet kishte për qëllim ndarjen e përvojës së suksesshme të Polonisë në procesin e saj të integrimit, si një shembull i vlefshëm për vendin tonë.

Shqipëria ka shumë miq dhe aleatë që e duan në Bashkimin Evropian. Ajo që mbetet në dorën tonë është të përmbushim me përkushtim dhe seriozitet detyrimet që na takojnë, në mënyrë që të meritojmë vendin tonë në familjen evropiane.

Të fundit