Flash News

SPAK kontrolle në bizneset dhe banesat e Ergys Agasit, sekuestron dy automjete

Anëtarë të organizatave kriminale! Ekstradohen sot nga Dubai 3 shqiptarët

Berisha paralajmëron fakte të reja për farsën elektorale: Mos harroni se nuk ka filluar të flasë akoma laptopi

Berisha mbledh nesër drejtuesit politik

Rinumërimi i votave, anëtari i KAS: Janë numëruar më pak se 10% të kutive, disa kandidatë kanë fletë të pa merituara

Ditari i Opozitës

"BE një makineri burokratike'/ Boçi: Opozita ka nxjerrë në dritë të vërteta që s’mund të injorohen më!

Politiko 19 Qershor 2025, 16:55
"BE një makineri burokratike'/ Boçi: Opozita ka
Luçiano Boçi

Nënkryetari i Partisë Demokratike, Luçiano Boçi, ka komentuar këtë të enjte zhvillimet më të fundit politike në vend.

I ftuar në Syri TV, Boçi ka kritikuar ritmin e ngadaltë të reagimit të Bashkimit Evropian, duke e cilësuar BE-në si një "makineri burokratike" që lëviz me vonesë përballë realitetit shqiptar.

Boçi theksoi se opozita shqiptare ka luajtur një rol kyç në ndryshimin e perceptimit të BE-së për vendin tonë, përmes përçimit të së vërtetës dhe paraqitjes së problematikave reale.

Ai solli në vëmendje edhe zgjedhjet e 11 majit si një moment kyç që ka nxitur reagime të qarta nga misionet e BE-së në vend.

Boçi: BE është një makineri burokratike e cila lëviz shumë ngadalë në atë çka ne kemi perceptuar përgjatë këtyre viteve dhe mënyra sesi ata kanë filluar të reagojnë dhe këndvështrimi që kanë filluar ta shohin Shqipërinë tregon qartazi që opozita ka ndikuar me atë pjesën e transmetimit të vërtetave të saj. Në fakt, të gjithë deputetët që marrin pjesë në mbledhjen e Komitetit duhen falënderuar për mënyrën e drejtpërdrejtë të transmetimeve politike, por jo vetëm politike të realitetit shqiptar, të cilët nuk i heqin asnjë presje dëshirës së opozitës që Shqipëria të avancojë në reformat e saj dhe të bëhet pjesë integrale e BE.

Thënia e së vërtetës shëron dhe nuk pengon dhe kjo duhet sqaruar edhe për opinionin publik. Ky rezultat nuk është vetëm pjesë e asaj që është transmetuar nga opozita por edhe pjesë e reagimit që vijnë jo vetëm nga deputetë, përfaqësues politikë por edhe nga instancat më të larta. Mos harrojmë që kemi një pararendje rezolutash, 4 rezoluta të partive të djathta që kanë përfaqësuesit e tyre në Parlamentin Evropian, që kanë ndikuar në mënyrë të drejtpërdrejtë, për nga mënyra sesi reagojnë.

Nuk lidhen thjesht me hapjen e kapitujve, me atë dëshirën e mirë për të vazhduar me hapat e rëndësishëm për të integruar Shqipërinë, por lidhet dhe me mënyrën sesi shumë përfaqësues politikë kanë filluar ta shohin Shqipërinë. Ato pjesë që kanë qenë të mbuluara, që kanë mbajtur me qëllim dhe për arsye diplomatike, tashmë kanë dalë në sipërfaqe dhe ajo që shpërtheu në atë gotën e mbushur plot, të mos harrojmë zgjedhjet e 11 Majit, sepse këto zgjedhje dhe mënyra sesi janë menaxhuar ato, kanë ardhur jo thjesht nga opozita shqiptare, jo thjeshtë nga zëra të veçuar, por kanë ardhur nga misionet që BE i ka të instaluara në Shqipëri.

Të fundit