Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Belind Këlliçi në Capitol Hill: PD e angazhuar në betejë për ruajtjen e demokracisë dhe vlerave të lirisë

Politiko 17 Shtator 2022, 11:24

Belind Këlliçi në Capitol Hill: PD e angazhuar në

Deputeti demokrat Belind Këlliçi i ftuar në Capitol Hill në Uashington DC, teksa ka takuar 19 kongresmenë dhe ish-kongresmenë, ka ndarë shqetësimin mbi gjendjen e demokracisë në Shqipëri, rritjen e autokracisë, arbitraritetit të qeverisë dhe përkeqësimin e standardeve të lirisë dhe të drejtave të njeriut.

Pas bashkëbisedimit me Anëtarët e Kongresit Amerikan Këlliçi mori mbështetjen e miqve amerikanë se një opozitë e fortë, e pakapur dhe që lufton çdo ditë kundër korrupsionit dhe kapjes së shtetit, është rruga më e mirë për t'i shërbyer vendit dhe marrëdhënieve jetike që kemi me partnerin e çmuar strategjik, Shtetet e Bashkuara të Amerikës.

"Kapja e drejtësisë nga qeveria përmes një reforme të njëanshme dhe me axhendë, nuk i shërben qytetarëve dhe interesit publik. Qëndrimet e sponsorizuara pro-qeveritare të disa zyrtarëve. Po ashtu, mora garancinë se vëmendja ndaj zhvillimeve në Shqipëri, do të rritet nga ana e tyre, si dhe përpjekjet për të parë realitetin në sy, ashtu siç është, të padeformuar nga faktorë të ndryshëm", shprehet Këlliçi.

Përsa i përket korrupsionit në Shqipëri si një çështje e papranueshme dhe që duhet marrë shumë seriozisht, Ķëlliçi ka siguruar miqtë amerikanë se Partia Demokratike është e angazhuar në betejë për ruajtjen e demokracisë dhe vlerave të lirisë, si aseti më i madh publik në një vend me orientim e vokacion pro-Perëndimor dhe se Partia Demokratike ka qenë në 32 vitet e fundit dhe do mbetet edhe në 100 vitet e ardhshme promotor kryesor i miqësisë dhe bashkëpunimit të Shqipërisë me SHBA.

"Patëm dakordësinë se qëndrimet e vërteta dhe transparente të miqve dhe partnerëve amerikanë dhe europianë do ta ndihmojnë Shqipërinë për daljen nga udhëkryqi", ka theksuar deputeti Belind Këlliçi nga Sh.B.A.

Të fundit