Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Beqja i shpëtoi prangave, Vokshi: SPAK nuk e ka ende urdhrin e Ramës

Politiko 17 Gusht 2023, 19:11

Beqja i shpëtoi prangave, Vokshi: SPAK nuk e ka ende urdhrin e Ramës

"Prokuroria e Posaçme është në pritje të një urdhri direkt nga kryeministrit Edi Rama, për t’i shkuar deri në fund aferës me koncesionin që në 8 vite ka çuar në xhepat e privatit 78 milionë euro", kështu është shprehur deputetja demokrate Albana Vokshi për dështimin e SPAK për të çuar pas hekurave ish-ministrin e Shëndetësisë, Ilir Beqja për aferën e koncesionit të sterilizimit.

“Vërtetë Ilir Beqja është pyetur, dhe mesa di hetimi ndaj tij është i veçantë nga pjesa që u bë sot publike, kjo do të thotë që SPAK ende se ka marrë urdhrin për ti shkuar deri në fund kësaj afere korruptive”, tha ajo.

Ajo tha në SYRI TV se lënia e lirë e ish-ministrit është absurd, pasi janë të njohura lidhjet e koncesionarit Ilir Rrapaj me Beqajn dhe Ramën.

“SPAK i ka të gjitha mjetet, është investuar për të hetuar raste të tilla korruptive, është specializuar për raste të tilla korruptive, pra nuk e ka të pamundur për të gjetur lidhjet e Ilir Rrapajt, Ilir Beqajt, Edi Ramës dhe kujtdo tjetër të përfshirë në këtë aferë”, nënvizoi deputetja e PD.

Në vijim, Vokshi kërkoi nga SPAK që të mos bëjë drejtësi me regji dhe ti shkojë deri në fund dosjes së koncesionit të sterilizimit.

Deputetja demokrate i kujtoi po ashtu organit të akuzës se buxheti i caktuar për shëndetësinë në vend, nuk shkon për shërbime shëndetësore, por “për përfitimet e 2-3 klientëve, sponsorëve dhe miqve të Edi Ramës, Ilir Beqajt dhe Ogera Manastirliut”.

“Është përgjegjësi e SPAK ti shkojë deri në fund dhe e institucioneve të tjerave të drejtësisë për të bërë drejtësi për të gjithë qytetarët shqiptarë të cilët vuajnë mungesën e shërbimeve shëndetësore, pikërisht për shkak të korrupsionit në shëndetësi. SPAK për fat të keq po funksionon me dy standarde. Nëse do të funksiononte me standardin që është ndjekur për Arben Ahmetaj, këtu e ka fare qartë lidhjen mes Ilir Rrapajt dhe Ilir Beqajt, e ka fare të qartë lidhjen mes Vilma Nushit dhe Edi Ramës. Pra i ka të qarta të gjitha lidhjet dhe mënyrën dhe arsyen se pse këto që duhej të ishin shërbime publike, janë dhënë për qëllime tërësisht fitimprurëse disa privatëve”, theksoi Vokshi.

Të fundit