Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Berisha: 40 oficerë u morën në pyetje për dosjen ‘Partizani’ si dëshmitarë të rremë

Politiko 7 Korrik 2025, 21:41

Berisha: 40 oficerë u morën në pyetje për dosjen

Kryetari i PD, Sali Berisha komentoi vendimin për lirimin nga arresti shtëpiak të Jamarbër Malltezit.

I ftuar në Syri tv, Berisha tha se 40 oficerë u morën në pyetje për dosjen ‘Partizani’ si dëshmitarë të rremë. 

“Dhëndri im ka ndenjur 2 vjet në arrest shtëpie në një proces kryekëput politik, në të cilin nuk ekziston në qindra mijëra faqe një shkelje e vetme ligji. Në atë dosje, e vetmja shkelje ligji e vërtetuar është nga Edi Rama.

Ai ka paguar një gjobë 320 mijë euro me vendim të të gjitha shkallëve të gjykatës. Sepse kur kompania hapi themelet, ky e mori vesh që ishte edhe Jamarbër Malltezi aksioner dhe shkoi dhe e bllokoi. Kompania shkoi pastaj nëpër gjykata. Gjykata urdhëroi të hapej gropa. Edi Rama çonte policinë bashkiake prapë dhe nuk i lejonte. Atëherë gjykata e dënoi Edi Ramën me 320 mijë euro dhe ai i pagoi ato. Është kërkuar me dhjetëra herë që Edi Rama të pyetet në gjyq....

.... T’u them të fundit, plani i hapjes së ushtrisë. Është sekreti numër 1 i shtetit. Plani i hapjes së forcave të armatosura është dokumenti më sekret. E di vetëm presidenti dhe shefi i shtabit. Tani këta, me dokumente e kam këtu, kanë një seri dokumentesh zyrtare, që klubi i Partizanit ka nxjerrë nga plani i hapjes.

Tani, çfarë bëjnë këta? Kanë thirrur 40 oficerë për të ndryshuar mendimin se nuk ka qenë i hequr nga plani i hapjes. Asnjë prej tyre nuk mund ta dijë kurrë, është e ndaluar me ligj. Është dokumenti më sekret i shtetit. Dhe këta duke e ditur këtë gjë, kanë marrë 40 oficerë për t’i pyetur.

Se shkresat e firmosur nga OPGJ e tyre, që thotë nuk është në planin e hapjes. Adelajda Meta e ka firmosur. Meqenëse kjo nuk u del, kanë marrë 40 oficerë, 40 dëshmitarë të rremë.

Por mos harro se ajo gjykatësja që ishte, ajo u faktua se ç’përfaqëson,” tha Berisha.

Të fundit