Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

Ditari i Opozitës

Berisha: Rama është bir shpirtëror i Sorosit, bashkë me Lindën zbatuan doktrinën e tij çnjerëzore

Politiko 7 Shkurt 2025, 11:49

Berisha: Rama është bir shpirtëror i Sorosit, bashkë me

Kreu i Partisë Demokratike, Sali Berisha, ka kritikuar veprimet e kryeministrit Edi Rama dhe lidhjet e tij me George Sorosin, duke e akuzuar për shkeljen e ligjit elektoral dhe vazhdimin e mashtrimeve ndaj shqiptarëve.

Berisha gjatë mbledhjes me aleatët e Federatës së Bashkuar e cilësoi fitoren e Donald Trump si një moment të rëndësishëm për shqiptarët, duke e lidhur atë me disfatën e ndikimit të Sorosit në Shqipëri.

Sipas tij, Rama është bir shpirtëror i Sorosit, dhe për këtë arsye ai ka zbatuar politikat e ekstremit të majtë në Shqipëri, duke e sulmuar traditën dhe familjen shqiptare.

Ai e kritikoi ndërrimin e termave si “nënë” dhe “baba” në shkolla dhe njëkohësisht miratimin e ligjeve që, sipas tij, kanë goditur konceptin e familjes tradicionale.

Berisha; Sot, Edi Rama vrapon me skemën e tij të vjetër të shkelmimit të ligjit elektoral në çdo nen të tij.
Pasi është diskredituar, vazhdon serialin e mashtrimeve të tij ndaj shqiptarëve.
Ishte i një rëndësie të jashtëzakonshme fitorja e presidentit Trump në SHBA.
Në qoftë se Xhorxh Soros, përveç Aleksit, do kishte një djalë të adaptuar, ky do e kishte emrin Edi Rama në të gjitha veset dhe të këqijat e tyre.
Pra, shqiptarët fitoren e Donald Trump, disfatën fatale të Xhorxh Sorosit duhet ta shohin edhe si një triumf të tyre më shumë se të gjithë kombet e tjera.
Sepse në asnjë vend të planetit nuk gjen një të dytë, bir më shpirtëror se Edi Ramën për Xhorxh Sorosin.
Karriera e tij sorosiane fillon në vitet ’90 dhe së fundmi së bashku me bashkëshorten kanë qenë eksponentë kryesorë të doktrinës së Sorosit në Shqipëri, doktrinë e ekstremit të majtë.
Edi Rama me fanatizëm zbatoi në Shqipëri aspektet më çnjerëzore të doktrinës së Sorosit për familjen, për gjininë njerëzore.
Ne jemi njerëz tradicionalë dhe në qoftë se tradita ka një kështjellë të veten, e ka familjen.
Familja është kështjella e traditës dhe familjen pikërisht ky e sulmoi në mënyrën më të egër.
Shkollat filluan të largohen nga termat fjalët më të dashura të njeriut të të gjitha kohërave, nënë dhe baba, dhe t’i zëvendësojnë me numra 1 dhe 2. Në parlament erdhi ligji për të krijuar fermat e grave, të cilat do lindnin fëmijët e askujt.
Shqiptarët nuk janë të vetëdijshëm se çfarë rreziqesh i kanoseshin familjes shqiptare nga doktrina e Xhorxh Sorosit në Shqipëri.
Por duhet të pranojmë se me goditjen e Xhorxh Sorosit merr një goditje korrupsioni transnacional.
Nuk ka njeri në botë që të ketë përhapur korrupsionin më shumë se Xhorxh Sorosi. Merr paratë e tij të spekulimit dhe zbato porositë e tij.
Ble politikanë sikur të ishin pula në të katër anët e planetit.
Kontrollo mediat më shumë se kushdo tjetër. Xi Jinping, Vladimir Putin kontrollojnë mediat në vendet e tyre, kurse Soros kontrollor kryesor i shumicës së medieve në botë.
Në fakt, 5 nëntori ka ndarë epoka. Nuk është kuptuar sa duhet.
Dhe kjo është një thirrje e thellë për shqiptarët. Njerëz të traditës, njerëz të familjes, të normave dhe virtyteve morale.

Të fundit