Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Ditari i Opozitës

Berisha akuza Ramës: Ka ulur me 500 milionë euro buxhetin e shëndetësisë

Politiko 1 Dhjetor 2025, 19:39

Berisha akuza Ramës: Ka ulur me 500 milionë euro buxhetin e

Kryedemokrati Sali Berisha ka akuzuar kryeministrin Edi Rama se ka reduktuar me 500 milionë euro buxhetin e shëndetësisë krahasuar me vitin 2013, pavarësisht se qeveria pretendon se ka rritje.

Berisha deklaroi se sistemi shëndetësor është “i shkatërruar”, ndërsa qytetarët detyrohen të paguajnë nga xhepi për ilaçe dhe shërbime:

Duke e cilësuar qeverisjen e Ramës si të ndërtuar mbi “vjedhjen sistematike”, Berisha akuzoi se 90% e fondeve të punëve publike vidhen nga “banda qeveritare”.

Ai solli si shembull tenderin për Portin e Vlorës, me vlerë 60 milionë euro, i cili  sipas tij është fituar nga “një magazinier i kompanisë Salillari”.

Berisha: Të dashur miq, këto ditë ka sjellë në parlament buxhetin e shëndetësisë.
E rrita, thotë.
E vërteta është se krahasuar me vitin 2013, buxheti i shëndetësisë është ulur të paktën me 500 milionë euro.
A ka sot hall më të madh për shqiptarin se sa të sëmurët?
Erdhi koha të themi Zoti e shpëtoftë nga spitalet, sepse shkon në spital, duhet të blejë çdo ilaç, duhet të paguajë çdo shërbim.
Ka shkatërruar një sistem të tërë dhe për vete vjedh, vjedh dhe vetëm vjedh.
Po arsimi?
Po shkollimi?
Një shkatërrim me dokumente, me vlerësime zyrtare, si në asnjë vend tjetër.
Të dashur miq, Edi Rama ka dy armë për të shkatërruar këtë komb, ai nuk përdor kampet e përqendrimit, nuk përdor burgjet e mëdha politike, ndonëse burgos politikisht.
përdor vjedhjen.
Vjedh me bandën e tij 90 përqind të të gjitha fondeve për punët publike.
A mund të imagjinoni ju, një magazinier i Salillarit është fitues tenderi 60 milionë euro për portin e Vlorës?
A ka akt më flagrant vjedhjesh se sa ky?
A mund të imagjinoni shqiptarë që rruga të ndërtohet me çmim 10 herë më të lartë se në Europë.
Lexoni, në qoftë se gjeni kund në botë një rrugë gjithsej 19 kilometra, që ishin pa ndërtuar nga Unaza, dhe të ndahet ajo në 17 lote.
Po nuk mund të ndahet kurrë, kurrë. Maksimumi në dy lote, tre. Se si t’u vjedhë 17 herë ju.
Si të vjedhë 17 herë shqiptarët.
Se si të rrisë çmimin 5 herë në vjedhje.
A do vazhdojmë ne?
Jo, ne nuk e lëshojmë këtë shesh.
Ky është sheshi ynë.
Ne dalim nga ky shesh vetëm kur të shpëtojmë shqiptarët. Vetëm kur të shpëtojmë Shqipërinë nga kjo bandë.

Të fundit