Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Berisha akuzon Ramën dhe Filip Çakullin: Manipuluan regjistrimin për të organizuar 21 Janarin! Meta dha dorëheqjen, kishte standarde atëherë jo si tani

Politiko 26 Nëntor 2025, 13:28

Berisha akuzon Ramën dhe Filip Çakullin: Manipuluan regjistrimin

Kryedemokrati Sali Berisha ka hedhur akuza të reja të forta ndaj kryeministrit Edi Rama dhe gazetarit Filip Çakulli, duke i akuzuar se manipuluan dhe montuan një regjistrim të marrë nga i ndjeri Dritan Prifti, me qëllim që të krijonin skenën politike që çoi në ngjarjet e 21 Janarit.

Sipas Berishës, Rama dhe Çakulli kanë “falsifikuar me copy-paste” një video ku paraqitej sikur Ilir Meta kishte marrë 700 mijë euro ryshfet, ndërsa në të vërtetë – sipas tij – bëhej fjalë për një shkresë të një biznesmeni që kërkonte zbatimin e një vendimi gjyqësor dhe kompensimin e dëmit financiar.

Berisha pretendoi se e gjithë kjo ishte “pjesë e një skenari të dhunës” që kulmoi me protestën e 21 Janarit, duke e quajtur Ramën “skenaristin e vërtetë”.

Ai theksoi se si kryeministër nuk ka pasur dijeni për çfarë mund të dinte Ilir Meta, por kujtoi se Meta “kishte standarde të tjera”: sipas tij, më 14 apo 15 janar Meta kishte shkuar në Kryeministri dhe i kishte thënë se do të jepte dorëheqjen për të shkuar në Prokurori si qytetar i thjeshtë, jo si zëvendëskryeministër.

Berisha e cilësoi këtë si shembull të një sjelljeje institucionale që, sipas tij, mungon sot: “Meta dha dorëheqjen atëherë; sot Rama vrapon të anulojë vendimet e gjykatës për të ruajtur veten.”

PJESE NGA DEKLARATA

Së pari, dihet botërisht se Edi Rama për të organizuar 21 Janarin, manipuloi dhe falsifikoi në bashkëpunim me Filip Cakullin një regjistrim të marrë nga i ndjeri Dritan Prifti sipas të cilit Ilir Meta ishte paguar 700 mijë euro nga një biznesmen që kërkonte të drejtën e tij.
Sali Berisha kryeministër, së pari kishte dëgjuar Dritan Priftin, ose i ishte kërkuar nga Dritan Prifti ta emëronte në një detyrë tjetër të rëndësishme ose përndryshe ka një regjistrim.
Fjala ime ishte kjo: nxirre sapo të dalësh nga dera e zyrës time. Nxirre.
Kjo është e vërteta.
Kurrë, kurrë nuk më merr dot kush mua peng.
E dyta, ka pasur një shkresë të firmosur në mos gaboj nga pronari i një kompanie që kishte fituar me gjyq, jo nga qeveria, por me gjyq, koncesionin e një hidrocentrali. E kishte fituar me gjyq, qeveria ia kishte dhënë një kompanie tjetër.
Dhe ky zotëri shkruante në shkresën e tij se nga moszbatimi i vendimit të gjykatës, kompania ime ka humbur 700 mijë euro.
Dhe Ilir Meta, meqenëse shkresën ia kishte adresuar edhe Ilir Metës ky biznesmeni, meqenëse ishte ministër, Ilir Meta i thotë Dritan Priftit, duhet zbatuar vendimi i gjykatës sepse i është bërë dëmi 700 mijë euro kompanisë.
Edi Rama dhe Filip Çakulli marrin fjalë me copy-paste me 28 herë në video dhe nxjerrin sikur Ilir Meta i ka thënë se kemi marrë 700 mijë euro.
Që këtu, cilido që do të hetojë këtë çështje, mendoj se e ka të qartë se kjo ishte pjesë e skenarit të dhunës me 21 Janar.
Pra, skenaristi del vetë Edi Rama.
Tani, se çfarë di Ilir Meta, sigurisht mund të dijë se ka qenë zëvendëskryeministër, por Ilir Meta në datën 14 apo 15 janar, pra para 21 Janarit, ka ardhur në zyrën tim dhe më ka thënë se unë do jap dorëheqjen sepse unë në prokurori nuk shkoj si zëvendëskryeministër.
Ishin standarde të tjera ato, jo standardet e Ramaduros që vrapon për të ruajtur prapanicën e vet duke hedhur në gjyq vendimin e gjykatës.
Akt i turpshëm, i paprecedent.
Jo, tha ai, nuk shkoj te prokurori si zëvendëskryeministër, do shkoj si qytetar i thjeshtë para tij.
Dhe unë e përgëzova.
Dhe meqë jemi këtu, se ka nga ata kalemxhinjtë e Edi Ramës që shkruajnë se mungon institucioni i dorëheqjes, u them këtyre zotërinjve se institucioni i dorëheqjes ekziston dhe është ushtruar në të gjitha rastet, përveç njërit në Shqipëri, në memorien time.
Por problemi është se ju jeni të indoktrinuar apo të paritur nga Edi Rama.
Jeni të paritur, mos flasim më për indoktrinim.
Kjo është fjala e vërtetë tani.
Jeni të paritur nga Edi Rama dhe shkruani çfarë i intereson atij.
Po. Kështu që...
Tani për sa i përket përgjegjësisë, nuk kam, domethënë një skenar i atillë i dhunshëm natyrisht i pari i paprecedent ndonjëherë, por me ato që kam konstatuar, masa ishin marrë, kështu që nuk di ndonjë përgjegjësi për çfarë thotë Meta.
Si kryeministër unë mund të them se ai ishte një agresion i vërtetë me hunj, me dinamit, me plumba ndaj ndërtesës së Këshillit të Ministrave.
Se si mund të parandalohej një demonstratë që organizohet me të gjitha këto, natyrisht edhe mundet, por ai është një proces jashtëzakonisht më shumë teorik se sa praktik.