Flash News

Mbaron numërimi në qarkun e Kukësit, PD fiton 2 mandate

Egnatia shpallet kampione e Shqipërisë, i shuan ëndrrën 24-vjeçare Vllaznisë

PD kryeson në Kavajë ndaj PS

Financial Times / Rama fiton mandatin e katërt: rrezikohet krijimi i një pluralizmi kozmetik

As PS, as PD/ Në Vaun e Dejës forcë e parë shpallet partia e Tom Doshit

Ditari i Opozitës

Berisha: Arsyet pse Edi Rama është agjent influent i Putinit

Politiko 25 Janar 2023, 14:34

Berisha: Arsyet pse Edi Rama është agjent influent i Putinit

Lideri i opozitës, Sali Berisha ka renditur arsyet pse kryeministri Edi Rama është agjent influent i Putinit. Në mbledhjen e grupit, ku foli për lidhjet e Ramës me ish-agjentin e FBI-së, Charles McGonigal dhe oligarkut rus Oleg Deripaska, kompania e së cilit ndërton hidrocentralet në Shqipëri.

Berisha ka sqaruar se agjent influent është një person që ka një status dhe për të influencuar publikun në qëndrime, drejtime dhe politika të caktuar siç i intereson një fuqie tjetër.

Më tej theksoi se ka tre llojësh agjentësh influentë, ndërsa Ramën e përfshiu tek “idotët e dobishëm”. Këtu ai solli shembullin e deklaratës së Ramës në Davos të Zvicrës, që mbrojti  Serbinë në vendimin e saj për t’i mos vendosur sanksione Rusisë.

Sipas Berishës, kjo është një shprehje me kuptim politik totalisht në mbrojtje të Putinit.

“Unë i kam ndjekur debatet, analizat për këtë çështje. Dje, sot dhe gjithnjë do them se Edi Rama në këtë aferë është sjellë absolutisht si agjent i Putinit. Se përfituesi më i madh nga kjo aferë është Rusia. Pse them se është sjellë si agjent influent? Unë konstatova se pata reagime nga analistë. Unë u kërkoj këtyre analistëve që të hapin dhe të lexojnë se çfarë është agjenti influent.

Agjenti influent është person që ka një status, në përkufizimin e fjalorëve politikë, dhe e përdor pozicionin e tij për të influencuar publikun në qëndrime, drejtime dhe politika të caktuar siç i intereson një fuqie tjetër.

Agjentët influentë janë tre kategori. Agjenti që ka një status dhe ka firmosur dhe atij i vijnë udhëzimet përmes agjentit tjetër. Nuk e di, megjithëse ka shumë gjëra të errëta, qoftë në trashëgimi familjare, qoftë në drurin familjar, nuk e di.

Kategoria e dytë e agjentit influent janë ata që veprojnë me ndërgjegje, pa firmë dhe janë njëlloj me të parët. U them atyre që reaguan se do gjeni prej tyre që kanë shkuar edhe në gijotinë për veprimin e tyre pa firmë, por kanë mbrojtur edhe njëlloj sikur të ishin nazistë apo stalinistë, kauzat e gabuara. Këta quhen agjentë influentë.

Kategoria e tretë e agjentëve influentë janë idiotët e dobishëm. Idioti i dobishëm është spontan, është sporadik. Bën deklarata dhe shfrytëzohet deklarata e tij dhe pastaj është një copë asgjë.

Të më thotë kush se a ka deklaratë më të dobishme për Putinin se deklarata e Edi Ramës: mos i bini në qafë Serbisë, për të respektuar sanksionet? Me fjalë të tjera, lëreni të mbetet prapavijë e Rusisë. Është e qartë si drita e diellit se kujt i intereson kjo deklaratë. Asnjë lider evropian, përveç tij nuk e bën. Këtu Deripaska është strategjik.

Së dyti, kujt i intereson deklarata e Edi Rama në Davos se e ndaluat mallin e pistë rus, dhe morën nga të tjerët, më keq se rusët. Po kush është sot më keq se rusët, që agreson dhe bën kasaphanë në një popull? Kujt i intereson kjo? Pse, nuk e di Europa? Në vend të duartrokitet Gjermania, që e zeroi importin rus, Edi Rama u thotë se e latë mallin e pistë, për të marrë mall më të pistë”, tha Berisha.

Të fundit