Berisha: Bajram Begaj është socialist, mik i thekur i Ramës dhe Ballës

Kreu i PD, Sali Berisha e ka cilësuar presidentin e ri Bajram Begaj si një socialist dhe mik i ngushtë i kryeministrit Edi Rama dhe kreut të grupit parlamentar të PS, Taulant Balla.

I ftuar në ‘Opinion’, Berisha tha se Begaj ka qenë emëruar nga socialistët si drejtor spitali më herët.

Pjesë nga biseda:

Fevziu: Presidenti nuk është i tyre…

Berisha: Ka qenë socialist në të gjithë qenien e tij. Ka qenë i emëruar drejtor spitali .

Fevziu: Ka qenë emëruar në bazë të profesionit.

Berisha: Pa anësi partiake nuk emërohet drejtori i spitalit.

Figurë e plotë e PS, shumë i dashur. Është një figurë shumë e dashur e PS, për fat të keq e njërit prej eksponentëve më të zi të politikës në 30 vite, Edi Ramës dhe Taulant Ballës.

Fevziu: Kam përshtypjen që Rama deklaroi se nuk e njeh.

Berisha: Të besosh një gjë të tillë do të thotë të besosh rrethin katror. Kryeministër që nuk njeh shefin e shtabit nuk ka. Rasti që shefi i shtabit të ushtrisë të jetë mjek, që deri para pak vitesh ka ushtruar profesionin e tij, nuk di si mund të ndodhë.

Fevziu: Shqipëria ka patur presidentë dhe kryeministra mjekë?

Berisha: Po krahasoni të pakrahasueshmen. Shefi i Shtabit ka të bëjë më doktrinat e të tria armëve; këmbësorisë, flotës dhe forcave ajrore.

Kurse mjekë Kryeministra mund ta kesh nja 10 në Europë, mjek-presidentë mund të kesh nja 15 në botë. Mos të krahasojmë të pakrahasueshmen.

Presidenti është socialist dhe mik i thekur i dy prej figurave më të zeza në historinë e politikës shqiptare, Edi Ramës dhe Taulant Ballës.