Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Berisha: Bashizmi, doktrinë që u arkivua bashkë me dorëheqjen. Si i përgjigjet kërkesës për t’u tërhequr

Politiko 24 Mars 2022, 12:23

Berisha: Bashizmi, doktrinë që u arkivua bashkë me

Ish-kryeministri Sali Berisha ka folur për bashkimin e Partisë Demokratike pas dorëheqjes së Lulzim Bashës. Ai shprehu vullnetin për të diskutuar me çdo demokrat, duke theksuar se është i hapur të bëjë gjithçka për garantimin e votës së lirë.

Ish-kryeministri tha se 11 dhjetori u sanksionua në zgjedhjet e 6 marsit, ndërsa nënvizoi se ka vetëm një PD.

Berisha u shpreh për gazetarët se “Bashizmi” ishte doktrinë e dhunimit të statutit, institucioneve dhe parimeve të partisë, duke shtuar se u arkivua bashkë me dorëheqjen e Lulzim Bashës.

“Së pari dua të garantoj demokratët në të gjitha nivelet nga anëtar i thjesht te depitetë e me radhë se PD është e hapur dhe vullnet plotë për të diskutuar dhe debatuar me çdo anëtar të saj cilido qoftë ai. Jemi të hapur të bëjmë gjithçka për garantimin e votës së lirë dhe bashkimin rreth votës së lirë.

Nëse nuk bëhet më fjalë për një kryesi të shkuarkuar më 11 Dhjetor, kjo nuk do të thotë se fjala e demokratëve cilido qoftë ai nuk dëgjohet. Fola për 11 Dhjetorin por sanksionimin më të plotë 11 Dhjetori e mori me datë 6 Mars. Ajo që unë dua të theksoj dhe siguroj është se PD ka institucionin e saj tashmë operativ dhe të plotrë dhe ky është grupi parlamentar të dalë nga Kuvendi i 11 Dhjetorit.

Por unë gjykoj se debate se brenda grupit parlamentar mund të zhvillohet çdo debat mund të diskutohet për çdo gjë. Sikundër dua të theksoj dhe ftoj miqtë e mi të mos harrojmë Bashizmi ishte doktrinë e dhunimit të statutit, institucioneve dhe parimeve të partisë. Ai u arkivua bashkë me dorëheqjen e Lulzim Bashës. Askush nuk mund të mendojë të paraqesë sikur ekzistojnë dy parti demokratike. Ekziston vetëm një dhe vetëm parti demokratike”, tha Berisha.

Sa i përket kërkesës së grupit parlamentar të PD-së që të bëjë një hap pas, Berisha tha se kjo deklaratë është një bllof nga ana e tyre dhe theksoi se me bllofin nuk mund të luhet.

“Nuk e di numrin e deputetëve, por mund të them kaq se me bllofin nuk mund të luhet. Me bllofin luan vetëm një dyshe, që kalon nga një studio në një studio tjetër, pasi mbushin xhepat në zyrat e propagandës të Edi Ramës”, tha Berisha.

 

 

Të fundit