Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Berisha bashkëbisedim me qytetarët: Rama nuk pranon përgjysmimin e taksave për naftën

Politiko 11 Prill 2026, 12:53

Berisha bashkëbisedim me qytetarët: Rama nuk pranon përgjysmimin

Kryetari i Partisë Demokratike, Sali Berisha, gjatë një bashkëbisedimi online me qytetarët, ka akuzuar qeverinë e kryeministrit Edi Rama për politikën fiskale ndaj çmimit të naftës dhe barrës që, sipas tij, rëndon mbi qytetarët shqiptarë.

Berisha u shpreh se java që kaloi, sipas tij, ka qenë “një javë ndëshkimi për shqiptarët”, duke kritikuar qeverinë për qëndrimin ndaj rritjes së çmimit të naftës.

Ai deklaroi se çmimi i naftës në Shqipëri ka arritur nivele të larta dhe e lidhi këtë, sipas tij, me ngarkesën fiskale mbi karburantet.

Berisha kritikoi gjithashtu vendimet e qeverisë për subvencionet në bujqësi, duke pretenduar se heqja e tyre do të ndikojë fermerët dhe prodhimin vendas.

Sipas tij, diferencimi i çmimeve të karburantit dhe politikat aktuale po dëmtojnë fermerët, ndërsa për pensionistët ai tha se mbështetja financiare është e pamjaftueshme.

PJESE NGA FJALA

Rikthehemi në bisedën tonë të përjavshme.
Java që kaloi me këtë qeverisje ishte një javë përsëri ndëshkimi për shqiptarët.
Qeveria e Edi Ramës, në dallim nga çdo qeveri tjetër në Europë dhe botë, mbajti qëndrim cinik ndaj rritjes së çmimit më të lartë në botë për naftën.
Nafta 224 lekë për litër shënoi çmimin rekord botëror dhe kjo jo se nafta u rrit kaq shumë për shkak të luftës në Lindjen e Mesme, por për shkak të ngarkesës më të lartë fiskale që Edi Rama ka vendosur për çdo litër naftë, për shkak të taksës më të lartë që ua merr qytetarëve shqiptarë në çdo litër naftë prej 1.1 euro.
Jo vetëm që refuzon të përgjysmojë barrën fiskale apo ta sjellë në nivelin e ngarkesës fiskale që ka Kosova dhe Maqedonia në mënyrë që çmimi i naftë të arrijë në këto nivele, por ai njoftoi këto ditë se do heqë edhe subvencionet për naftën e fermerëve.
Domethënë, miliarderët që vijnë dhe marrin nga 1 milion litra naftë me jahtet e tyre superluksoze në portin e Durrësit, e marrin naftën me 60 lekë litrin, kurse fermeri detyrohet ta paguajë naftën me 220 lekë litrin, çka do të thotë se sipërfaqe qindra e mijëra hektarë do mbeten djerrë dhe qindra mijëra fermerë do falimentojnë.
Ky është një qëndrim cinik, një qëndrim i pashpirt, siç është i pashpirt dhe cinik qëndrimi ndaj pensionistëve, të cilëve ua mbajti bonusin që duhej t’ua jepte që në janar, dhe tani doli kokoshi i katandisur në thelë, u jep 8 euro për shumicën dhe për një pjesë të vogël të tyre shtesa është gjithsej 18 euro.
Pra u jep shumicës së pensionistëve dy kile domate në shtesë mujore.
Kjo është një tallje të cilën e bëjnë ata që nuk kanë ndjenja, shpirt, zemër njeriu, por shohin vetëm pasurimin e tyre.