Ditari i Opozitës

Berisha: Belinda porosit 1 mijë euro një biftek, 22 mln lekë i ka përdorur për udhëtime

Berisha: Belinda porosit 1 mijë euro një biftek, 22 mln lekë i ka

Kreu demokrat Sali Berisha ka prezantuar sot kandidatin për bashkinë e Klosit, për zgjedhjet lokale të 14 majit.

Mes të tjerash Berisha ka renditur shkeljet dhe aferat e kësaj qeverie, ku përmendi edhe udhëtimet e Ministrisë së Energjisë dhe Infrastrukturës, Belinda Ballukut për të cilën tha se u përdorën 22 milion lekë.

“Belinda e cila ulet e porosit biftekun sa një ka 1 mijë euro, a mund të qajë hallin tuaj ajo zonjë e cila po lexoja sot disbursimet e Thesarit për një udhëtim jashtë shtetit si ministri kanë përdorur 22 mln lekë. A mund të lejojmë të na vjedhin e varfërojnë ne në këtë mënyrë? Këto zgjedhje kërkojnë që ne të bashkohemi”, ka deklaruar Berisha.

Berisha u ndal edhe te fluturimet e kryeministrit Rama, incenerëtorët dhe kontratat, sipas tij, të fryra artificialisht të tenderave publikë.

“Edi Rama, bashkë me ministrat e tij janë sjellë ndaj buxhetit të shtetit, ndaj parave të marra borxh si një organizatë kriminale. Në vend që ato të ua kthenin në rroga, pensione, në rrugë, në ujësjellësa, kanalizime, se paratë tuaja janë, ai i kthen ato në plaçkë, si kurrë ndonjëherë. Kjo qeveri është e vetmja në Europë, botë që ndërton autostradën në fushë me 24 mln euro, në një kohë kur në të gjithë Europës, Gjermani, Zvicër dhe kudo, autostrada në fushë kushton 2-3 mln euro”, tha Berisha.

Të fundit