Berisha: Beteja mafioze Rama-Veliaj në Bashki, vetëm pjesa e parë e filmit Narcos, do çuditeni

Kreu i Partisë Demokratike Sali Berisha ka zhvilluar një takim me banorët e Njësisë Nr. 8 në Tiranë.

Berisha u ndal gjatë takimit te përplasja mes Ramës dhe Veliajt për Bashkinë e Tiranës, ku së fundmi, Veliaj ka firmosur shkarkimin e Anuela Ristanit si e deleguara e tij, pas arrestimit.

Berisha paralajmëroi se kjo përleshje që po ndodh mes tyre, është vetëm fillimi i asaj që kryedemokrati e quajti “filmi i Narcos”.

"Kreu i organizatës, Edi Rama, është kryetari i një organizate të rrezikshme kriminale për qënien e shqiptarëve. Ju, po të merrni vetëm ç’ndodh sot, 3 ditët e fundit.

Përleshja e tyre në Bashkinë e Tiranës është përleshje nga më mafiozet dhe nga më kriminalet.

Nuk ka unë asnjë sentiment se është një hajdut Erion Veliaj që, meriton të dënohet për 1 milionë pemë që ka mashtruar dhe ka vjedhur paratë e fidanëve dhe nuk i ka mbjellë. Ai meriton të dënohet për djegësine Tiranës, 130 milionë euro, që nuk ekziston.

Ai meriton të dënohet me 5D, se ata janë, ata 5D prishin si barbarë shtëpitë e qytetarëve dhe nuk i kompensonin. Por, janë rregullat rregulla.

Erion Veliaj dënohet për ato gjëra që s’i ka bërë bashkë me Edi Ramën. Dhe ato që ka bërë, djegësin që ka bërë me urdhër të Edi Ramës nuk dënohet. Nuk dënohet për 5D, për hotelin, se u tha që është Olsi Rama aksioner. Nuk dënohet për ato.

Dhe tani, beteja mafioze. Njëri shkon dhe emëron Anuela Ristanin, Veliaj e shkarkon dhe emëron një tjetër aty kryetare. Ato janë funksione të këshillit bashkiak kudo, as të Ramës dhe as të Veliajt. Duhet të mblidhet Këshilli Bashkiak i qytetit dhe të emërojë se kush do të kryejë funksionet.

Por, betejë mafiozësh.

Rama shkon dhe emëron Sekretare të Përgjithshme një tjetër. Ky i thotë Policisë Bashkiake ndaloje hyrjen nga burgu.

E merrni vesh se ku është Tirana dhe Bashkia, në duart e çfarë mafieje të rrezikshme është", deklaroi Berisha.