Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Berisha: Do ta anulojmë hartën e re gjyqësore, është anti-ligjore

Politiko 25 Gusht 2022, 21:37

Berisha: Do ta anulojmë hartën e re gjyqësore, është

Kreu i PD, Sali Berisha është zotuar se PD në pushtet do ta anulojë hartën e re gjyqësore.

Nga Pogradeci, Berisha e cilësoi nismën si anti-ligjore.

“Hartën e re gjyqësore ne do ta anulojmë menjëherë sapo të vijmë në pushtet. Kjo hartë është antiligjore, është në kundërshtim me ligjin që përcakton se gjykata duhet të jetë në distancën më të afërt të mundshme për qytetarët. Ky i vendos drynin gjykatave, në mënyrë që qytetarët të kenë sa më pak mundësi të ju drejtohen gjykatave.

Ua këta zotëritë atyre që vijnë, ua paguan paratë George Soros, shqiptarëve? Asnjë qindarkë”, u shpreh kreu i PD.

Berisha premtoi po ashtu se funksionimi i shtetit ligjor do të jetë themeli i programit të ardhshëm qeverisës për PD.

“Shqetësimet, mendimet do të jenë pjesë integrale e programit të ardhshëm. Nga do ta fillojmë? E ke pyetjen më të drejtë. Ligji, ligji dhe vetëm ligji.

Do e fillojmë me funksionimin e shtetit ligjor. Ligji është bërë në radhë të parë që të funksionojë tregu. Njeri e bëri ligjin në mënyrë që të garantonte funksionimin e tregut. Për të garantuar liritë dhe të drejtat e tij.

Ne do e fillojmë nga ligji. Kemi program ekonomik që do ta rishqyrtojmë dhe do të marrim specialistët më të mirë shqiptar, këtu dhe në botë. Do të krijojmë një ekip ekonomik që do të japë përgjigjet më të shkëlqyera problemeve të mëdha të krijuara deri më sot në fushën e ekonomisë.

Por vendosja e ligjit, lufta me zero tolerancë kundër krimit dhe korrupsionit, duhet të jenë dy motivet tona kryesore mbi të cilat unë kam besimin më të madh se Shqipëria do të shërohet nga këto plagë të rënda që ka sot”, u shpreh Berisha.

Të fundit