Flash News

6 deputetë demokrat të përjashtuar/ Sot miratimi i buxhetit 2024, opozita paralajmëron sërish kaos

Këmbimi valutor 7 dhjetor/ Me sa blihen e shiten monedhat e huaja

Policia aksion “blic” kundër lojërave të fatit, 20 të shoqëruar

Posta e mëngjesit/ Me 2 rreshta: Çfarë pati rëndësi dje në Shqipëri

Të shtëna me armë zjarri në Bruksel, ka të plagosur

Ditari i Opozitës

Berisha: Edhe Departamenti i Shtetit denoncoi se 237 mln dollarë të djegësve janë zhdukur

Politiko 21 Mars 2023, 18:14

Berisha: Edhe Departamenti i Shtetit denoncoi se 237 mln dollarë të

Kreu i PD, Sali Berisha ka komentuar raportin e Departamentit Amerikan të Shtetit për Shqipërinë, të publikuar një ditë më parë.

Në raport u rreshtuan disa fenomene shqetësuese për vendin, por Berisha u ndal te njëri prej tyre, inceneratorët.

 Nga Selenica ku prezantoi kandidatin e koalicionit opozitar "Bashkë Fitojmë", Leonard Rakipaj, Berisha tha se ishte DASH që denoncoi se 237 mln dollarë të djegësve janë zhdukur.

“Edi Rama monizmin e tij e bazon në vjedhjen e qytetarëve shqiptarë. Kemi folur çdo ditë por vjedhjet e qindra milionë eurove në djegësat, në Durrës, në tendera sekretë, në Portin e Durrësit dhe kudo.

Dje Departamenti i Shtetit denonconte në mënyrë eksplicite vjedhjen me djegësat. 237 mln dollarë janë zhdukur thoshte, janë zhdukur në xhepat e Edi Ramës, Erion Veliajt, Arben Ahmetaj, Engjëll Agaçit, pa asnjë diskutim. Pra këta vjedhin. Por vjedhjet më të mëdha këta i bëjnë në punë publike.

Po vija këtu dhe rrugët anësore, Lekaj-Fier, rrugët anësore kushtojnë me Edi Ramën 2.2 herë më shumë se sa vetë autostrada, se sa vetë bajpasi i Fierit, se sa kilometri në autostardën Levan-Vlorë. 

A mund të imagjinohet kjo. Këta ndërtojmë kilometrin me paratë tuaja, 24 mln euro autostradë në fushë. Këta vjedhin 70 deri në 90% të gjithë fundit të punëve publike. Këta ndërtojnë një shkollë e cila kushton 700 mijë euro në të gjitha manualet e ndërtimit me 5-6 mln euro dhe këto janë realitete”, thotë Berisha.

Të fundit