Berisha: Fëmijët e mi asnjë qindarkë nga shteti, çfarëdo që të kenë bërë, e kam bërë unë

Ish-kryeministri Berisha tha se fëmijët e tij nuk kanë marrë asnjë qindarkë nga fondet publike apo tenderat publike.

I ftuar në Çim Peka Live, Berisha tha se ‘Çfarëdo që të kenë bërë fëmijët e mi, e kam bërë unë.’

‘Nuk mund të pranoj një gjë të tillë. Mua më ka lënduar dinjitetin. Po shkon drejt regjimit në gjykatën Koreksionale. Avokati po përgatitet. Unë do përdor të gjithë mjetet legale për të nxjerrë të vërtetën në shesh. Unë nuk i kërkoj asnjë miku tim që të anulojë atë urdhër. Jo, kërkoj transparencë. Pra e ftoj atë të vijë më njerëzit e tij në gjykatë dhe të provojë akuzat. Unë kam shumë miq. Të vetmet komunikime që kam bërë, janë këshillat që më kanë dhënë. Unë kam një projekt. Në një kohë kur po mendoja për një projekt, më del një projekt tjetër përpara. Për mua si person nuk ka pasur asnjë akuzë për korrupsion.

Familjarët e mi, duke qenë se unë u zotova në vitin 2005 se nuk do të ketë proces ndaj gazetarëve e shtriva edhe te familjarët e mi. Dhe ata nuk kanë paditur asnjë gazetar. Duke qenë se politikanët merrni shpifjet e gazetarëve dhe i qarkullonin, ata kanë paditur politikanët dhe i kanë fituar të gjitha gjyqet.

Dhe unë kam një postulat. Çfarë do që të kenë bërë fëmijët e mi, e kam bërë unë. Nuk e thotë kush tjetër këtë. Dhe po të nxjerrë dikush një fakt për fëmijët e mi, cilido, e ka bërë Sali Berisha. Nuk kanë bërë asnjë shkelje ligji”, tha Berisha.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm