Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

Ditari i Opozitës

Berisha: Fitorja e Trump, një mrekulli! Blinken i ndaluar në ndërtesat federative

Politiko 9 Shkurt 2025, 15:11

Berisha: Fitorja e Trump, një mrekulli! Blinken i ndaluar në

Kryetari i Partisë Demokrati, Sali Berisha nga Roma tha se administrata e re e Trump ka marrë vendimin për t’i ndaluar Sekretarit të Shtetit, Antony Blinken, hyrjen në çdo ndërtesë federative në SHBA, duke e quajtur këtë një masë kundër “kukullës së Sorosit”.

Sipas Berishës, Trump ka nisur menjëherë veprime për të ndaluar censurën dhe për të rikthyer vlerat konservatore në SHBA. Ai premtoi se Partia Demokratike në Shqipëri do të ndjekë të njëjtën linjë me një nga prioritetet kryesore të saj: “desorosifikimin e Shqipërisë”.

Berisha e përmbylli fjalën e tij me akuzat ndaj qeverisë Rama, duke e cilësuar atë si të ndikuar nga Soros dhe si një kërcënim për familjen dhe vlerat tradicionale në vend.

PJESË NGA FJALA E BERISHËS:

Cili është rreziku tjetër i tretë për Shqipërinë? Ekstremizmi i majtë. Në Shqipëri, filloi beteja kundër familjes. Në Shqipëri, filloi numeritimi i prindërve. Në Shqipëri, Edi Rama, i frymëzuar nga monstra e njerëzimit, Xhorxh Soros, solli në parlament ligjin për të krijuar fermat e grave, për të lindur fëmijët e askujt. Ju mund t’u duken habi, por këto janë realitet në Shqipëri.
Edi Rama e shndërroi Shqipërinë në kopshtin e Xhorxh Sorosit, armikut të egër jo vetëm të kombit shqiptar, por edhe të njerëzimit.

Të dashur miq, ne qëndruam. U përpoqën të na shfarosin. U përpoqën për një Shqipëri pa opozitë, u përdor gjithë pushteti i narkoshtetit shqiptar, por e vërteta edhe pushteti i monstrës së njerëzimit, Xhorxh Soros dhe mafies së tij. Mirëpo ne e dinim se Shqipëria pa opozitë nuk duhet të ekzistojë. Kishim qenë ne pa opozitë, e kishim provuar se çfarë ishte Shqipëria pa opozitë. Nata më e keqe e një kombi. Ndaj dhe nuk u dorëzuam. Ndaj dhe me besim të madh shkojmë drejt fitores.

Por, një gjë duhet ta pranojmë. Ka gjëra tokësore, ka edhe gjëra hyjnore. Dhe në këtë kontekst, dy mrekulli sa tokësore dhe aq hyjnore ndodhën. Mrekullia e parë e madhe ishte fitorja e Donald Trump në SHBA. Një mik i imi amerikan, që ka një radio, të nesërmen e kësaj fitoreje, shkroi se mrekullia për Amerikën ndodhi. Iu përgjigja, mrekullia për gjithë botën ndodhi.
Kështu që ne mbrojtëm ato vlera që janë vlera bazë, themelore për njerëzit e lirë. Dhe kjo fitore ishte e një rëndësie të madhe. Miq, ekstremi i majtë në SHBA ishte rreziku më i madh pas Luftës së Dytë Botërore që iu kanos njerëzimit.

Se ky ekstrem po marshonte me flamurin dhe fuqinë e vendit të madh të lirisë. Filloi të lavdërohej censura. Por çdo njeri i lirë e ka të qartë se aty ky fillon censura, aty fillon diktatura. Dhe unë jam gëzuar shumë kur në një nga aktet e para, Donald Trump dënoi dhe ndaloi censurën. Censura atje do të thoshte terr për këdo. Pra, kjo ishte mrekullia e fitores së Donald Trump. Dekretoi dy gjini. Dhe unë u jap fjalën ju se desorosifikimi i Shqipërisë është një nga prioritetet tona më të mëdha.
Por miq e keni marrë vesh lajmin, mbrëmë presidenti Donald Trump i ka ndaluar kukullës së Sorosit, Entoni Blinken të futet në çdo ndërtesë federative. STOP! I pabesë. Organizoi kurthe, letra dhe gjëra të tjera për të mashtruar kombin e tij amerikan. Detyrën që mori si Sekretar i Shtetit më të madh, përfundoi në sekretar shteti të Sorosit. Sekretar i Xhorxh Sorosit. E përshëndesim këtë vendim.

Të fundit