Berisha i drejtohet ambasadorit të BE: Kush mohon narkoshtetin, mbështet Edi Ramën

Kryetari i Partisë Demokratike, Sali Berisha, ka akuzuar sot ambasadorin e Bashkimit Europian dhe të gjithë ata që mohojnë ekzistencën e narkoshtetit në Shqipëri, duke thënë se me këtë veprim ata, me dashje apo pa dashje, mbështesin qeverinë e Edi Ramës.

Berisha vuri në dukje pasojat e këtij narkoshteti: shkatërrimin e ekonomisë, rënien e prodhimit dhe punësimit, largimin masiv të qytetarëve dhe shndërrimin e Shqipërisë në një “eksportues kryesor të krimit në Europë dhe botë”.

Ai përmendi se qeveria e Ramës ka lejuar mbjelljen e mijëra plantacioneve të kanabisit në të gjithë Shqipërinë dhe ka mbrojtur trafikantët shqiptarë që kanë pushtuar tregjet e Europës, duke u bashkuar me organizata kriminale si Ndragheta dhe Kamorra.

Berisha e kritikoi ashpër ambasadorin e BE, duke thënë se ligjet dhe politikave të tij për drogën nuk reflektojnë realitetin shqiptar:

Ai përmendi gjithashtu efektet negative të narkoshtetit në ekonominë reale, duke theksuar rënien e kursit të euros, falimentimin e bizneseve dhe përdorimin e parave të drogës për të manipuluar zgjedhjet dhe për të kontrolluar sektorë si ndërtimi dhe urbanistika.

 

 

PJESE NGA FJALA

Çfarë ka sjellë kjo?

Kjo ka sjellë tretjen e kombit shqiptar para syve tanë.

Rënien e prodhimit.

Rënien e punësimit.

Largimin masiv të qytetarëve nga Shqipëria.

Shqipëria eksportues madhor i krimit në Europë dhe në botë.

Rrëmbimin e zgjedhjeve nga krimi.

Kjo është e vërteta për çdo shqiptar.

Në një kohë kur Shqipëria ka pasuri përrallore, më të pakrahasueshme me çdo lloj tjetër pasurie natyrore. Dhe çdo pasuri e ka. Nuk ka një vend të dytë të bekuar si Shqipëria që të ketë gjithë pasuritë.

Ne jemi të bekuar me ujë, me naftë, me çdo gjë.

Këto ditë një studiues serioz publikoi një studim të tij.

Çfarë gjeti?

Çmimet e ushqimeve në Shqipëri janë 118 përqind më të larta se në BE.

Po ky që jeton këtu me 300 euro, me 500 euro, pra ky shpenzon 18 përqind se sa po të ishte në Itali, Greqi apo ndonjë vend tjetër të BE.

E vërteta është se ne kemi qëndruar kundër narkoshtetit.

PD ka qëndruar.

Por duhet të them këtu se ky nuk zbriti nga qielli. Natyrisht që Edi Rama ishte promotor, por Edi Rama u mbështet dhe vazhdon të mbështetet për narkoshtetin e tij.

Vazhdon të mbështetet në një kohë kur nga Kakavija gjer në kufi me Plavën, Shqipëria u mboll me mijëra plantacione kanabis.

Ju kujtohet ju se si Donald Lu mblodhi 1500 policë në Pallatin e Kongreseve dhe u thotë: përgëzime të mëdha për luftën e jashtëzakonshme që i bëni drogës.

Unë e shihja se ajo ishte shkatërrimi i vendit.

E takova dhe i thashë, ambasador, kjo që bëre ti, është mbështetje për vendosjen në Shqipëri të narkoshtetit.

Jo, tha, ne nuk merremi me drogat e buta, merremi me drogat e forta.

Ashtu, i thashë unë, të them një gjë tjetër, gjatë 8 viteve në pushtet, agjencitë tuaja të zbatimit të ligjit bënin nga 10-15 mbledhje në vit me përfaqësuesit tanë për të parë se mmos ka kund burime të financimit të terrorizmit dhe unë isha shumë mirënjohës.

Tani që nja 200-300 shqiptarë luftojnë me ISIS për kauzën e gabuar, kalifi Al Bagdadi mund t’u thotë shkoni mbillni kanabis dhe na sillni paratë.

Çfarë ndodhi?

Trafikantët shqiptarë pushtuan Italinë dhe Europën me kanabis. U bënë një me Ndragetën dhe Kamorrën.

Në 18 muaj, autoritetet italiane kanë konfiskuar 830 skafe, kanë arrestuar, që zakonisht kapen 10 përqind, 720 skafistë.

Dhe ushtria e kanabistëve, bashkë me kumbarët e tyre, u vërsulën drejt Amerikës latine dhe kanë kapur sot majat.

Përsëri sot mbështetet.

Ju e keni dëgjuar reagimin e ambasadorit të BE, reagimin e fundit.

Unë duhet t;’u them ju dhe shqiptarëve se kundërshtitë e mia me këtë zotëri, sigurisht që kishin lidhje me ligjin që nuk mund ta pranoj kurrë, një ligj të cilin nuk e kanë pranuar 21 vende anëtare të BE.

Një ligj, të cilin Gjykata Kushtetuese franceze e ka hedhur poshtë në vitin 2016.

Një ligj, të cilin Gjykata Supreme e SHBA e hodhi poshtë para dy ditësh.

Një ligj, për të cilin Gjykata Europiane e Drejtësisë në Luksemburg, ka shkruar se çështja e gjinisë është një çështje e vendeve anëtare dhe nuk buron nga e drejta e Bashkimit.

Dhe e morën dhe e vunë me urgjencën më të madhe.

Por unë pranoj, secili duhet të mbajë pikëpamjet që ka dhe të mbrojë atë që mendon.

Por atë me të cilën nuk bie dakord kurrë me të, është sepse ky zotëri së pari u thotë deputetëve të PD, dhe jo vetëm, se ai narkoshteti për të cilin flet Berisha, nuk e beson njeri as këtu as në Luksemburg.

Sigurisht se ti çon ato informacione, të cilat janë absolutisht të pavërteta, se narkoshteti është realiteti më dramatik, më tragjik i shqiptarëve.

Atëherë unë i drejtoj pyetjen: na thuaj pse ikën 1 milion e 99 mijë shqiptarë gjatë viteve në narkoshtetit?

Na thuaj çfarë janë këto kulla, të cilat vetëm 20 përqind i kanë nga bankat?

Na thuaj çfarë përfaqëson Adelajda Roko, motra e vëllezërve Roko, drejtoreshë e planifikimit dhe urbanistikës së përgjithshme, zëvendëse e Edi Ramës në këto funksione?

Na thuaj çfarë do të thotë ky kurs me 35 përqind, i rrëzuar përtokë?

Unë, zotërisë së tij dhe cilido që mohon narkoshtetin, i them me dashje ose pa dashje e mbështet Edi Ramën në platformën e tij.