Flash News

Aksident në Durrës, makinë përplas skuterin me dy 13-vjeçarë

Atentati në Lundër/ Gjendet motomjet i djegur që dyshohet se u përdor nga autorët

Ra nga lartësia në kantierin e aeroportit të Vlorës, humb jetën punëtori

SPAK lëshon 3 urdhër arreste për shefin e qarkullimit Rrugor në Tiranë dhe 2 zyrtarë të tjerë të policisë

Atentati ndaj 4 të rinjve në Lundër, plumbat prekën edhe një “Ford”

Ditari i Opozitës

Berisha: Çiftet e reja do marrin grante 30 mijë euro për të përballuar kredinë

Politiko 19 Prill 2025, 20:56

Berisha: Çiftet e reja do marrin grante 30 mijë euro për

Kryetari i PD-së, Sali Berisha tha se biznesi i vogël, me ardhjen e tyre në qeveri, do ta ketë energjinë 6 lekë. Berisha tha se tavani i vendosjes së TVSH do spostohet nga 100 në 180 lekë, ndërsa tavani i pagesës së tatim fitimit do spostohet nga 140 në 180 mijë euro.

Ai theksoi se prodhimi në Shqipëri është motoja e koalicionit "PD-Aleanca për Shqipërinë Madhështore". Berisha tha se do vendosim bonuset për fëmijën e parë 70 euro, fëmijën e dytë 60 euro, ndërsa për fëmijën e tretë shteti do të mbulojë shpenzimet totale nga lindja gjer 23 vjeç. Ai shtoi më tej se do modernizohet arsimi dhe bursa e studentit do të jetë 200 euro. Kryedemokrati theksoi se çiftet e reja do marrin grante 30 mijë euro për të përballuar kredinë.

PJESË NGA FJALA E BERISHËS:

Ne i garantojmë qytetarët se do e ndryshojmë Shqipërinë. Se biznesi i vogël, siç ua kam deklaruar kudo ku i kam takuar, do ketë energjinë me 6 lekë. Do ketë sipërfaqen publike me 120 lekë kundrejt 1500 lekë që i marrin sot. Se tavani i vendosjes së TVSH do spostohet nga 100 në 180 lekë. Se tavani i pagesës së tatim fitimit do spostohet nga 140 në 180 mijë euro.
Dhe se bashkia do ta ketë kufirin tek thana, nuk do mund të vendosë kurrë mbi 1 përqind të xhiros vjetore tarifa bashkiake. Në këtë mënyrë ne i japim një frymëmarrje të vërtetë biznesit të vogël.

Made in Albania, prodhimi në Shqipëri është motoja jonë, është krenaria jonë. Ne do krijojmë klimën më miqësore për biznesin, tërheqjen e investimeve të huaja, punësimi dhe rritja e rrogave janë qëllimet tona. U garantoj se energjia nga jugu në veri, në çdo çati shqiptare që dëshiron do ketë panelet fotovoltaike dhe brenda 3 viteve do likuidojë investimin e tyre dhe do e ketë energjinë gjithmonë falas. Dhe shteti do u blejë çdo tepricë prodhimi. Shqipëri Madhështore pa rini nuk ka. Ndaj dhe ne do vendosim bonuset për fëmijën e parë 70 euro.

Për fëmijën e dytë 60 euro. Për fëmijën e tretë, shpenzimet totale nga lindja gjer 23 vjeç. Do modernizojmë arsimin. Mësuesin do e vendosim në piedestal. Bursa e studentit do të jetë 200 euro. Mesatarja hiqet. Do bëjmë gjithçka për shkollimin, për punësimin dhe strehimin e të rinjve. Çiftet e reja do marrin grante 30 mijë euro për të përballuar kredinë. Dhe në rast se familja e tyre bëhet me tre fëmijë, ai grant falet përgjithmonë. Pra, krahas këtyre, Shqipëria do shndërrohet në epiqendër të teknologjisë së lartë. Shqipëria do jetë një Shqipëri Madhështore dhe u siguroj ju se ky projekt është konkret, është 100 përqind i realizueshëm. Kërkon mbështetjen tuaj më 11 maj.