Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Berisha kërkon dorëheqjen e Ramës: Po bllokon raportin për heqjen e imunitetit të Ballukut

Politiko 3 Mars 2026, 13:28

Berisha kërkon dorëheqjen e Ramës: Po bllokon raportin për

Kryetari i Partisë Demokratike, Sali Berisha, ka kërkuar dorëheqjen e menjëhershme të kryeministrit Edi Rama duke e akuzuar se po bllokon procedurat parlamentare për heqjen e imunitetit të ministres Belinda Balluku.

Në një konferencë për mediat, Berisha deklaroi se Rama “qëndron në pushtet mbi krimin, drogën dhe vjedhjen e shqiptarëve”, ndërsa e cilësoi si uzurpator të postit të kryeministrit.

Sipas tij, kryeministri po pengon dërgimin në Kryesinë e Kuvendit të raportit për imunitetin e Ballukut, duke mos e futur atë në axhendën e seancës parlamentare të së enjtes.

Kreu i PD-së hodhi akuza të forta ndaj Ramës për çështje të ndryshme, duke përmendur projektin e Portit të Durrësit dhe inceneratorin e Tiranës, për të cilat tha se përbëjnë shkelje të rënda ligjore.

PJESE NGA FJALA

Në emër të Partisë Demokratike ripërsëris kërkesën e prerë të dorëheqjes së Edi Ramës si uzurpator i postit të kryeministrit të vendit.
Edi Rama qëndron në pushtet tërësisht mbi krimin, drogën dhe vjedhjen e shqiptarëve, në kundërshtim me Kushtetutën, në kundërshtim me ligjet e vendit.
Edi Rama qëndron në pushtet për të mbrojtur vjedhjet e qindra dhe miliarda eurove të shqiptarëve.
Qëndron në pushtet i bindur se në momentin e parë të largimit nga ajo karrige, ai përfundon, në qoftë se për Lubinë u tha 36 vjet burg, u garantoj se për Ramën as 76 nuk mjaftojnë, për serialin e veprave penale.
Vetëm Porti i Durrësit është të paktën 60 vite burg. Le t’i lëmë mënjanë të gjitha.
Djegësi i Tiranës, pra ajo që thashë unë ishte me minimume.
Po Edi Rama meriton tre jetë t’i kalojë në burgje për vjedhjet që ka bërë.
Ndaj dhe ai, gjer në këtë moment që po jap konferencën, nuk ka dërguar në kryesinë e parlamentit raportin e tij për imunitetin e Ballukut.
Them raportin e tij se raporti është i anëtarëve të komisionit, por ai tregoi se aët do ta shoh unë dhe ai ka mbi një javë që e ka në dorë atë.
Pra është Rama vetë ai që bllokon dërgimin e raportit të anëtarëve të komisionit të partisë së krimit në kryesinë e parlamentit për t’u futur këtë të enjte në axhendën e parlamentit.
Siç e shihni të dashur qytetarë, gjithçka tregon se fati i Shqipërisë, fati juaj, fati i fëmijëve tuaj është vetëm në duart tuaja.
Jeni ju dhe vetëm ju që mund të çlironi këtë vend nga kjo organizatë kriminale që nga mëngjesi gjer në darkë vetëm vjedhin, përçmojnë, poshtërojnë shqiptarët.
Është sot më imperative se kurrë që shqiptarët të marrin në duar fatin e tyre, fatin e lirive të tyre, fatin e vendit të tyre.

ZYRA E MEDIAS DHE KOMUNIKIMIT, PARTIA DEMOKRATIKE